Azərbaycanda 5 ev muzeyinin saytı yeniləndi
Azərbaycanda 5 görkəmli xadimin ev muzeyinin veb-saytı yenilənib.
APA TV-nin məlumatına görə, söhbət Nəriman Nərimanovun, Məmməd Səid Ordubadinin xatirə muzeyi, Cəfər Cabbarlının, Əzim Əzimzadənin və Cəlil Məmmədquluzadənin ev muzeylərinin saytlarından gedir.
Nizami Kino Mərkəzində keçirilən təqdimat mərasimində bildirilib ki, portallar yeni dizaynda, eləcə də son texnologiyaları dəstəkləyən sistemlə təchiz olunaraq istifadəçilərin ixtiyarına verilib.
Cəfər Cabbarlının ev muzeyinin direktoru Qəmər Seyfəddinqızı veb-saytların çox əhəmiyyətli olduğunu bildirib: "Çünki bu şəxsiyyətlərin həm həyatı, həm də yaradıcılığı ilə bağlı maraqlananlar həmin saytlara daxil olub, ev muzeylərində keçirilən tədbirlər haqqında məlumat əldə edə biləcəklər. Buna görə Bakı şəhər Mədəniyyət və Turizm İdarəsinə minnətdaram”.
Bakı şəhər Mədəniyyət və Turizm İdarəsinin baş məsləhətçisi Günel Əhmədova deyib ki, saytlar daha yığcam və rahat hazırlanıb. Həyat və yaradıcılıqları ayrı bölmədədir: "Hətta Nəriman Nərimanovun xatirə muzeyinin veb-saytında xüsusi bloq-keçid vasitəsilə tibbi məqalələri, ayrı-ayrı əsərlərini oxumaq olar. Bütün saytların mobil versiyaları hazırlanıb”.
Üç ay ərzində hazırlanan beş saytın hər biri axtarış sisteminə uyğunlaşdırılıb və optimallaşdırılıb.
Nigar Həsənli
OXŞAR XƏBƏRLƏR
“Bu gün 50 milyondan çox insan üçün Azərbaycan dili ana dilidir” I APA TV
Lüğətimizdə yeni mərhələ: süni intellektdən istifadə olunur I APA TV
Qırğızıstanda “Baku Resort & Spa” mehmanxanasının açılışı oldu | APA TV
İlham Əliyevə 1-ci dərəcəli “Manas” ordeni təqdim edildi
İlham Əliyevin Çolpon-Ata şəhərində rəsmi qarşılanma mərasimi olub
