Türkiyə bu gündən Ərbil və Süleymaniyyəyə uçuşları dayandırır
Türkiyə aviaşirkətləri bu gün Bakı vaxtı ilə saat 19.00-dan etibarən Ərbil və Süleymaniyyə istiqamətində uçuşları dayandıracaqlar. APA TV-nin məlumatına görə, Türkiyənin Ərbildəki Baş Konsulluğu bu gündən etibarən “Türk Hava Yolları”, “Pegasus” və “Atlas Global” şirkətlərinin Bərzaninin nəzarətində olan ərazilərə uçuşları dayandıracağını açıqlayıb.
Adı çəkilən şirkətlər bu gün səhər saatlarında Ərbil və Süleymaniyyədən son uçuşları həyata keçiriblər. Bu uçuşlarla Bərzani bölgəsində işləyən çoxlu sayda Türkiyə vətəndaşı ölkəsinə geri dönüb.
Qeyd edək ki, İraq hökuməti də aeroportları Bağdadın nəzarətinə qaytarmaq üçün Bərzani rejiminə bu gün saat 19.00-a kimi vaxt verib və xarici ölkələri Ərbil və Süleymaniyyəyə uçuşları dayandırmağa çağırıb. Artıq İran, Qətər, Misir, Livan, İordaniya və Birləşmiş Ərəb Əmirliklərinin aviaşirkətləri bu aeroportlara uçuşları dayandırıblar.
Fərid Rəsulov
OXŞAR XƏBƏRLƏR
“Bu gün 50 milyondan çox insan üçün Azərbaycan dili ana dilidir” I APA TV
Lüğətimizdə yeni mərhələ: süni intellektdən istifadə olunur I APA TV
Qırğızıstanda “Baku Resort & Spa” mehmanxanasının açılışı oldu | APA TV
İlham Əliyevə 1-ci dərəcəli “Manas” ordeni təqdim edildi
İlham Əliyevin Çolpon-Ata şəhərində rəsmi qarşılanma mərasimi olub
