Yaylım atəş raketlərinin olduğu anbar partlayıb - UKRAYNADA HƏYƏCAN
Ukraynanın Vinnitsa şəhəri yaxınlığında yerləşən hərbi sursat anbarında partlayışlar baş verib. APA TV-nin “RİA Novosti”yə istinadən verdiyi xəbərə görə, bu barədə Ukrayna DİN-in məlumatında bildirilir.
Məlumata görə, polislər anbarın yerləşdiyi Kalinovka kəndinə aparan yolu bağlayaraq əhalini təxliyyə edib. Ətraf kəndlərin əhalisinin də təxliyyə edildiyi bildirilir. Bundan başqa hadisənin baş verdiyi ərazinin üzərində hava məkanı 50 km radiusunda tam bağlanıb.
Əməliyyat qərargahı yaradılıb, əhalinin ərazidən çıxarılması üçün sərnişin qatarları hazırlanıb. Dövlət əhəmiyyətli Jitomir-Moqilyov-Podolski “M-21” avtomagistral yolu bağlanıb.
Hadisə yerinə Ukrayna Baş Qərargah rəisi yola düşüb. Yerli KİV anbarda “Smerç”, “Uraqan”, “Qrad” tipli yaylım atəşi sistemlərinin raketlərinin saxlanıldığını bildirir.
Apa.tv
OXŞAR XƏBƏRLƏR
“Bu gün 50 milyondan çox insan üçün Azərbaycan dili ana dilidir” I APA TV
Lüğətimizdə yeni mərhələ: süni intellektdən istifadə olunur I APA TV
Qırğızıstanda “Baku Resort & Spa” mehmanxanasının açılışı oldu | APA TV
İlham Əliyevə 1-ci dərəcəli “Manas” ordeni təqdim edildi
İlham Əliyevin Çolpon-Ata şəhərində rəsmi qarşılanma mərasimi olub
