Cabir Abdullayev Milli Konservatoriyadakı işinə bərpa olundu
Əməkdar artist Cabir Abdullayev Milli Konservatoriyada pedaqoji fəaliyyətini davam etdirəcək. Bu barədə APA TV-yə xanəndənin özü məlumat verib: “Anlaşılmazlıq olmuşdu. Dərs bölgüsü ilə bağlı idi. Mənimlə bərabər işsiz qalan müəllimlər də işlərinə bərpa olunublar. Çox sevindim. Mediaya da məsələni diqqətdə saxladığınıza görə təşəkkür edirəm. Sağ olun ki, sənət adamlarına bu cür diqqət göstərirsiniz. Allah razı olsun!”
Xatırladaq ki, bir müddət əvvəl əməkdar artist Cabir Abdullayevin işdən çıxarılması ilə bağlı xəbər yayılmışdı. Milli Konservatoriyanın rektoru Siyavuş Kərimi bunu maliyyə çətinliyi ilə əlaqələndirmişdi: “Azərbaycanda hər yerdə ixtisarlar gedir, maliyyə problemləri var. Cabir Abdullayev mənim dostumdur, gözəl musiqiçidir. 10 ildir Konservatoriyada çalışır. Bu müddətdə heç kim ona bir söz də deməyib. Özünüz görürsünüz ki, ölkədə maliyyə çətinliyi var”.
Rektor Cabir Abdullayevin yeni işlə təmin olunması üçün müəyyən işlər görüldüyünü də qeyd etmişdi: “Biz çalışırıq ona köməklik göstərək. Sadəcə, zaman lazımdır. Daxili resurslarımıza baxırıq ki, Cabir işlə təmin olunsun”.
Nigar Həsənli
OXŞAR XƏBƏRLƏR
“Bu gün 50 milyondan çox insan üçün Azərbaycan dili ana dilidir” I APA TV
Lüğətimizdə yeni mərhələ: süni intellektdən istifadə olunur I APA TV
Qırğızıstanda “Baku Resort & Spa” mehmanxanasının açılışı oldu | APA TV
İlham Əliyevə 1-ci dərəcəli “Manas” ordeni təqdim edildi
İlham Əliyevin Çolpon-Ata şəhərində rəsmi qarşılanma mərasimi olub
