Sumqayıtda telefon oğrusu: "Birini 70 manata satırdım"
Sumqayıt Şəhər Polis İdarəsi 1-ci Polis Bölməsi əməkdaşları əvvəllər məhkum olunmuş Elman Ələkbərovu saxlayıb. O, toy mərasimlərinin keçirildiyi restoran və şadlıq evlərindəki qonaqların mobil telefonlarını gizli yolla oğurlamaqda təqsirli bilinir.
APA TV xəbər verir ki, saxlanılan şəxsin ətrafında aparılmış əlavə əməliyyat tədbirləri nəticəsində onun ayrı-ayrı vaxtlarda şəhər ərazisindəki müxtəlif şadlıq evlərindən eyni üsulla 11 nəfərin mobil telefonunu oğurladığı məlum olub.
Oğurlanan mobil telefonların bir neçəsi Elman Ələkbərovun yaşadığı mənzildən aşkar edilərək maddi sübut kimi götürülüb. Qeyd edək ki, Elman Ələkbərovun bu qanunsuz əməlləri şadlıq evlərinin müşahidə kameraları vasitəsilə də qeydə alınıb.
Faktla bağlı Sumqayıt ŞPİ-də cinayət işi başlanılıb. Polis oğurluq etməkdə şübhəli bilinən Elman Ələkbərovun digər analoji cinayətlərdə də iştirakını istisna etmir. Onun əməllərindən zərərçəkən başqa vətəndaşlar varsa, bu barədə Daxili İşlər Nazirliyinin “102” Zəng Mərkəzinə, Sumqayıt ŞPİ-nə və ya 1-ci PB-nə müraciət edə bilərlər.
Apa.tv
OXŞAR XƏBƏRLƏR
“Bu gün 50 milyondan çox insan üçün Azərbaycan dili ana dilidir” I APA TV
Lüğətimizdə yeni mərhələ: süni intellektdən istifadə olunur I APA TV
Qırğızıstanda “Baku Resort & Spa” mehmanxanasının açılışı oldu | APA TV
İlham Əliyevə 1-ci dərəcəli “Manas” ordeni təqdim edildi
İlham Əliyevin Çolpon-Ata şəhərində rəsmi qarşılanma mərasimi olub
