Rusiya: Suriyadakı kürd və erməni silahlı qruplaşmalarını məhv edəcəyik
Rusiya Müdafiə Nazirliyi Suriyadakı ABŞ hərbi komandanlığına sərt xəbərdarlıq edib. APA TV-nin Rusiya mətbuatına istinadən məlumatına görə, Rusiya tərəfi "Suriya Demokratik Qüvvələri"ni darmadağın edəcəyini bildirib.
Buna səbəb kimi adı çəkilən qruplaşmanın Rusiya hərbçiləri ilə Suriya ordusunun İŞİD-ə qarşı müştərək keçirdiyi əməliyyatlara mane olması göstərilir.
"Kürd silahlılarından ibarət bu qruplaşmanın mövcudluğu Deyr-əz-Zor əməliyyatını başa çatdırmaq planlarımızı pozur" - deyə, Rusiya komandanlığından bildirilib.
Qeyd olunur ki, "Suriya Demokratik Qüvvələri" bir neçə dəfə Suriya ordusunu atəşə tutub.
Suriyadakı Rusiya hərbi qüvvələrinin komandanı general-mayor İqor Konaşenkov ümumiyyətlə adı çəkilən qruplaşmanın anti-terror əməliyyatlarına heç bir aidiyyətinin olmadığını iddia edib: ""Suriya Demokratik Qüvvələri" adlanan bu birləşmənin tərkibində əsasən kürdlər və ermənilər döyüşür. Onlar qanuni Suriya hakimiyyətinə qarşı mübarizə aparır. ABŞ-ın dəstəklədiyi bu qruplaşmanın mövcudluğu yalnız İŞİD-in işinə yarayır".
Rusiyalı general Suriyada sülhün bərqərar edilməsinə mane olan istənilən qüvvənin məhv ediləcəyini bəyan edib.
Elvin Bayramlı
OXŞAR XƏBƏRLƏR
“Bu gün 50 milyondan çox insan üçün Azərbaycan dili ana dilidir” I APA TV
Lüğətimizdə yeni mərhələ: süni intellektdən istifadə olunur I APA TV
Qırğızıstanda “Baku Resort & Spa” mehmanxanasının açılışı oldu | APA TV
İlham Əliyevə 1-ci dərəcəli “Manas” ordeni təqdim edildi
İlham Əliyevin Çolpon-Ata şəhərində rəsmi qarşılanma mərasimi olub
