ABŞ-ın birinci xanımının geyimi sosial şəbəkələrdə geniş müzakirə olunub. APA TV-nin məlumatına görə, Melaniya Trampın BMT-nin Nyu-Yorkdakı daimi nümayəndəliyində çıxışı zamanı onun əynində çəhrayı rəngdə paltar olub.

Melaniya qurumun 72-ci sessiyasında iştirak edən dünya liderlərinin xanımları qarşısında çıxışını uşaq hüquqların müdafiəsi mövzusuna həsr edib. Lakin onun toxunduğu problemdən daha çox geyimi gündəmə çıxarılıb.

"First lady" seçimini İspaniyanın məşhur "Delpozo" moda evindən edib. Onun açıq rəngdə geyimə üstünlük verməsi xanım iştirakçıların arasında dedi-qoduya səbəb olub.

Sosial şəbəkələrdə hətta Melaniyanın makiyajında açıq tonlardan istifadə etməsini həyat yoldaşının dəri rənginə uyğun görünmək istəyi ilə əlaqələndirilib.

Onun 3 min dollarlıq paltarını ev xalatına bənzədənlər də olub.