İspaniyada "Kataloniya böhranı" böyüyür: KÜTLƏVİ HƏBSLƏR BAŞLADI
İspaniya polisi Kataloniya hökumətinin qərargahında əməliyyat keçirib.
APA TV-nin Rusiya mətbuatına istinadən məlumatına görə, polis Madrid hökuməti tərəfindən qanundankənar elan olunan müstəqillik referendumu öncəsi muxtar vilayətin qərargahında yoxlama aparır.
Polisin İqtisadiyyat, Xarici İşlər, Əmək və Sosial Münasibətlər və Sədrlik departamentləri ilə hökumət mərkəzinə girdiyi və 1 oktyabrda keçirilməsi nəzərdə tutulan referendumla bağlı aparılan araşdırma üçün dəlil topladığı bildirilir.
Kataloniya prezident köməkçisi və iqtisadiyyat naziri Oriol Junquerasın köməkçisi Josep Maria Jove saxlanılıb. Kataloniya iqtidar partiyası üç hökumət üzvünün tutulduğunu açıqlayıb.
Oriol Junqueras radioya açıqlamasında bildirib ki, İspaniya mərkəzi hökumətinin vilayətin bütün qurumlarına və Kataloniyanın bütün vətəndaşlarına hücum edir.
Əməliyyat nəticəsində Kataloniyada referenduma hazırlıqda təqsirləndirilən 12 şəxs həbs olunub. Həbs olunanlar arasında Əyalət Məclisinin sədr müavini də var. Bu şəxslər referendumla bağlı təbliğat materiallarının yayılmasında ittiham olunur.
Bu arada "Biz bacaracağıq!" hərəkatının lideri əhalini bölgə suverenliyinin qorunması üçün səfərbər olmağa çağırıb.
Qeyd edək ki, Kataloniya rəhbərliyi oktyabrın 1-də referendum keçirəcəyini elan etdikdən sonra Ali Məhkəmə bu qərarın qanunsuz olduğu ilə bağlı qərar verib.
Fərid Rəsulov
OXŞAR XƏBƏRLƏR
“Bu gün 50 milyondan çox insan üçün Azərbaycan dili ana dilidir” I APA TV
Lüğətimizdə yeni mərhələ: süni intellektdən istifadə olunur I APA TV
Qırğızıstanda “Baku Resort & Spa” mehmanxanasının açılışı oldu | APA TV
İlham Əliyevə 1-ci dərəcəli “Manas” ordeni təqdim edildi
İlham Əliyevin Çolpon-Ata şəhərində rəsmi qarşılanma mərasimi olub
