Saakaşvili: "Ukraynada üsyan başlayacaq" - VAXTI AÇIQLADI
Odessanın eks-qubernatoru Mixail Saakaşvili Ukraynada oktyabrın 17-də üsyan başlayacağını iddia edib.
APA TV-nin Rusiya mətbuatına istinadən məlumatına görə, gürcü siyasətçi bu gün səhər saatlarında sürpriz şəkildə Kiyevin mərkəzində - Prezident Administrasiyasının yaxınlığında görünüb.
Xatırladaq ki, Ukrayna dövlət başçısı hazırda Nyu-Yorkdadır. Saakaşvili Kiyevdə sərbəst dolaşıb və hətta tibb işçilərinin etiraz aksiyasına da qatılıb.
Keçmiş qubernator sentyabrın 21-də regionlara səfərə çıxacağını deyib. O, xalqla görüşlərində Poroşenkonun impiçmentini tələb edəcək. "Poroşenko adamları vasitəsi ilə məni ölkədə heç kəsin dəstəkləmədiyi barədə şayiələr yaydırır. Yaxşı, o özü buna inanırmı? Boş söhbətlərdir" - deyə, Saakaşvili əlavə edib.
Gürcü siyasətçi bölgələrdə görüşlərini başa vurduqdan sonra yenidən Kiyevə dönəcəyini və xalqla bərabər oktyabrın 17-də Maydana çıxacağını vurğulayıb.
Fərid Rəsulov
OXŞAR XƏBƏRLƏR
“Bu gün 50 milyondan çox insan üçün Azərbaycan dili ana dilidir” I APA TV
Lüğətimizdə yeni mərhələ: süni intellektdən istifadə olunur I APA TV
Qırğızıstanda “Baku Resort & Spa” mehmanxanasının açılışı oldu | APA TV
İlham Əliyevə 1-ci dərəcəli “Manas” ordeni təqdim edildi
İlham Əliyevin Çolpon-Ata şəhərində rəsmi qarşılanma mərasimi olub
