Azərbaycanda futbolçu kabel oğurluğuna görə tutuldu
Sumqayıt Telekommunikasiya Qovşağına məxsus ümumilikdə 695 metr hava rabitə kabeli kəsilərək oğurlanıb.
APA TV-nin xəbərinə görə, keçirilən əməliyyat tədbirləri nəticəsində oğurluqda şübhəli bilinən şəhər sakinləri Nicat Muxtarov, Ümidvar Adıgözəlov, Aqşin Mehdiyev və əvvəllər məhkum olunmuş Nurlan Paşayev tutulublar.
İstintaqla müəyyən olunub ki, dəstə üzvləri rabitə kabelini sentyabrın 9 və 15-də oğurlayıblar. Onlar kabeli İnşaatçılar qəsəbə sakinləri Zaur Eyyubovun və Zaur İlyasovun işlədikləri metal qəbulu məntəqəsinə satıblar. Onlar da istintaqa cəlb olunub.
Qeyd edək ki, saxlanılan Nicat Muxtarovun "Sumqayıt" futbol klubunun üzvü olduğu bildirilir. Nicat Muxtarov əvvəllər Zaqatalanın "Simurq", Bakının "Rəvan" və Azərbaycanın 21 yaşadək futbolçulardan ibarət milli komandasında da forma geyinib. O, "Sumqayıt"a 2015-ci ilin yayında keçib. Nicatın oğurluqda iştirak edib-etmədiyi istintaqın yekununda müəyyənləşəcək.
OXŞAR XƏBƏRLƏR
“Bu gün 50 milyondan çox insan üçün Azərbaycan dili ana dilidir” I APA TV
Lüğətimizdə yeni mərhələ: süni intellektdən istifadə olunur I APA TV
Qırğızıstanda “Baku Resort & Spa” mehmanxanasının açılışı oldu | APA TV
İlham Əliyevə 1-ci dərəcəli “Manas” ordeni təqdim edildi
İlham Əliyevin Çolpon-Ata şəhərində rəsmi qarşılanma mərasimi olub
