İsmayıllıda ağır qəza: 2 nəfər hadisə yerində öldü, 5 nəfərin vəziyyəti ağırdır
İsmayıllı rayonunda ağır yol-nəqliyyat hadisəsi baş verib.
APA TV-nin yerli bürosunun məlumatına görə, hadisə bu gün saat 15:30 radələrində Şamaxı-Muğanlı-İsmayıllı avtomobil yolunun İsmayıllı şəhəri ərazisindən keçən hissəsində qeydə alınıb.
İsmayıllının Qalıncaq kənd sakini, 1988-ci il təvəllüdlü Abdullayev Ehtiram Azər oğlunun idarə etdiyi 10-UO-796 dövlət nömrə nişanlı "VAZ 21015" minik avtomobili qarşı tərəfdən gələn 90-UT-602 dövlət nömrə nişanlı "Mersedes" markalı minik avtomobili ilə toqquşub.
Hadisə nəticəsində rayon sakinləri, 1993-cü il təvəllüdlü Allahverdiyev Qərib İsmayıl oğlu və 1998-ci il təvəllüdlü İsmayılov Qalib Əllədin oğlu aldıqları ağır xəsarətlər səbəbindən hadisə yerində ölüblər.
Sürücü Ehtiram Abdullayev, rayonun Qəzli kənd sakinləri 1997-ci il təvəllüdlü Məhəmməd Manafov, 2011-ci il təvəllüdlü Rəsul Abdullayev, 1992-ci il təvəllüdlü Şərif Abdullayev və 1995-ci il təvəllüdlü İmam Abdullayev müxtəlif dərəcəli bədən xəsarətləri alaraq, İsmayıllı Mərkəzi Rayon Xəstəxanasına yerləşdiriliblər.
Faktla bağlı Baş Dövlət Yol Polisi İdarəsinin istintaq və təhqiqat şöbəsi tərəfindən araşdırma aparılır.
Apa.tv
OXŞAR XƏBƏRLƏR
“Bu gün 50 milyondan çox insan üçün Azərbaycan dili ana dilidir” I APA TV
Lüğətimizdə yeni mərhələ: süni intellektdən istifadə olunur I APA TV
Qırğızıstanda “Baku Resort & Spa” mehmanxanasının açılışı oldu | APA TV
İlham Əliyevə 1-ci dərəcəli “Manas” ordeni təqdim edildi
İlham Əliyevin Çolpon-Ata şəhərində rəsmi qarşılanma mərasimi olub
