Myanma lideri BMT-nin toplantısına getməyəcək - TƏNQİDLƏRDƏN ÇƏKİNİR
Myanma lideri Aun San Su Ci BMT Baş Assambleyasının sessiyasında iştirak etməyəcək.
APA TV-nin "Euronews"a istinadən məlumatına görə, bu qərarın səbəbləri hələlik açıqlanmasa da, müşahidəçilər Nobel mükafatı laureatının Rakhayn ştatında baş verənlərə şəxsən nəzarət etmək istədiyini güman edir.
Xatırladaq ki, Myanma hakimiyyəti Rohingiyada baş verənlərdən sonra beynəlxalq ictimaiyyətin tənqidləri ilə üzləşib. Bundan sonra məsələnin BMT Təhlükəsizlik Şurasında müzakirəsi qərara alınıb.
BMT-dən verilən məlumata görə, burada əsas məqsəd Myanma hökumətinə ölkədəki zorakılığın dayandırılması ilə bağlı rəsmi ultimatumun göndərilməsindən ibarətdir.
Qeyd edək ki, son hadisələr səbəbindən Rohingiyadan Banqladeşə pənah gətirən qaçqınların sayı 370 min nəfəri ötüb. BMT, İndoneziya və qonşu dövlətlər qaçqınlara humanitar yardımlar edilməsilə məşğuldur.
Fərid Rəsulov
OXŞAR XƏBƏRLƏR
“Bu gün 50 milyondan çox insan üçün Azərbaycan dili ana dilidir” I APA TV
Lüğətimizdə yeni mərhələ: süni intellektdən istifadə olunur I APA TV
Qırğızıstanda “Baku Resort & Spa” mehmanxanasının açılışı oldu | APA TV
İlham Əliyevə 1-ci dərəcəli “Manas” ordeni təqdim edildi
İlham Əliyevin Çolpon-Ata şəhərində rəsmi qarşılanma mərasimi olub
