Lənkəranda ağır qəza: sürücü öldü, yaralılar var
Lənkəranda toydan qayıdan iki avtomaşın toqquşub, bir nəfər ölüb, iki nəfər yaralanıb.
APA TV-nin cənub bürosunun verdiyi məlumata görə, hadisə Ələt-Astara magistral yolunun Lənkəranın Gərmətük kəndi ərazisindən keçən hissəsində qeydə alınıb.
Astara istiqamətində hərəkətdə olan Hirkan qəsəbə sakini Qalib Əliyevin idarə etdiyi "VAZ 2106" markalı avtomobillə Lənkəran istiqamətində hərəkətdə olan həmkəndlisi Zaur Rzayevin idarə etdiyi "Mercedes" markalı avtomobil toqquşub. Toqquşma zamanı "VAZ 2106"nın sürücüsü Qalib Əliyev aldığı xəsarətlərdən hadisə yerində dünyasını dəyişib. Həmin avtomobildə sərnişin olan qızı Rumiyyə Əliyeva eləcə də "Mercedes" markalı avtomobilin sürücüsü olan Zaur Rzayev müxtəlif dərəcəli bədən xəsarətləri alaraq Lənkəran Mərkəzi Rayon Xəstəxanasına yerləşdiriliblər.
Qeyd edək ki, hər iki sürücü eyni toya biri gedirmiş, digəri isə qayıdırmış. Faktla bağlı hüquq-mühafizə orqanları tərəfindən araşdırma aparılır.
Kürdəmirdə də yol qəzası baş verib. APA TV-nin yerli bürosunun məlumatına görə, hadisə gecə saatlarında şəhərin Heydər Əliyev prospektində qeydə alınıb. Kürdəmir rayon sakini, 1967-ci il təvəllüdlü Cəlil Cəlil oğlu Mehdiyevin idarə etdiyi "Mercedes" markalı minik maşını 1996-cı il təvəllüdlü Orxan Ramiz oğlu Ələkbərlinin idarə etdiyi eyni markalı maşınla toqquşub. Qəza nəticəsində xəsarət alan olmasa da, maşınlara ciddi ziyan dəyib.
OXŞAR XƏBƏRLƏR
“Bu gün 50 milyondan çox insan üçün Azərbaycan dili ana dilidir” I APA TV
Lüğətimizdə yeni mərhələ: süni intellektdən istifadə olunur I APA TV
Qırğızıstanda “Baku Resort & Spa” mehmanxanasının açılışı oldu | APA TV
İlham Əliyevə 1-ci dərəcəli “Manas” ordeni təqdim edildi
İlham Əliyevin Çolpon-Ata şəhərində rəsmi qarşılanma mərasimi olub
