Qasırğalar səngiyir: Neft bazarında ucuzlaşma davam edir
Dünya bazarında xam neftin qiymətlərində ucuzlaşma qeydə alınıb.
APA TV-nin məlumatına görə, "İrma" qasırğasının tropik fırtınaya çevrilməsi səbəbindən ABŞ-ın Atlantik okeanı sahillərində yerləşən neft emalı zavodları bir müddət fəaliyyətini davam etdirə bilməyəcək.
Sakit okean sahillərini vuran "Harvi" qasırğasının fəsadları isə aradan qaldırılır. Artıq iki həftə öncə işini dayandıran neft emalı zavodları fəaliyyətə başlayır. "Goldman Sachs" iki qasırğanın xam neft tələbinə gündəlik 600 000 barel təsir edəcəyini bildirib. Ancaq işlər qaydasına düşəndən sonra istehlakın artacağı və itkininin yerini dolduracağı gözlənilir.
Mütəxəssislər qiymətlərin ilin sonuna qədər 60 dollara qədər bahalaşacağını güman edir. Ancaq yeni ilə kimi 60 dollar həddinin keçilməsi qeyri-mümkün görünür. Ümumilikdə neft bazarında qeyri-müəyyənlik olduğu, bu vəziyyətin dəyişəcəyi proqnozlaşdırılır.
Ötən gün səhər seanslarında 54 dollardan baha satılan "Brent" nefti hazırda 53,78 dollara təklif olunur. WTİ markası da ucuzlaşıb. Qərbi Texas nefti 48,02 dollardan satılır.
Elvin Bayramlı
OXŞAR XƏBƏRLƏR
“Bu gün 50 milyondan çox insan üçün Azərbaycan dili ana dilidir” I APA TV
Lüğətimizdə yeni mərhələ: süni intellektdən istifadə olunur I APA TV
Qırğızıstanda “Baku Resort & Spa” mehmanxanasının açılışı oldu | APA TV
İlham Əliyevə 1-ci dərəcəli “Manas” ordeni təqdim edildi
İlham Əliyevin Çolpon-Ata şəhərində rəsmi qarşılanma mərasimi olub
