Qətər danışıqlara hazır olduğunu bəyan etdi
Qətər əmiri Tamim bin Həməd əl-Tani və Səudiyyə Ərəbistanının şahzadəsi Məhəmməd bin Salman əl-Saud arasında telefon danışığı olub. Söhbət rəsmi Dohanın təşəbbüsü ilə baş tutub.
APA TV-nin məlumatına görə, bu barədə Səudiyyə Ərəbistanının rəsmi "SPA" agentliyi məlumat verib.
Söhbət zamanı Qətər əmiri ərəb ölkələrinin tələblərinə dair danışıqlara başlamağa hazır olduğunu bəyan edib. Səudiyyə Ərəbistanının şahzadəsi əmirin təklifini alqışlayıb. Söhbətin detalları hələ ki, açıqlanmır.
Xatırladaq ki, iyunun 5-də Səudiyyə Ərəbistanı, Birləşmiş Ərəb Əmirlikləri, Bəhreyn və Misir Qətərlə diplomatik və iqtisadi münasibətləri kəsdiklərini elan edib. Onlar rəsmi Dohanı terrorçu təşkilatları dəstəkləməkdə və Yaxın Şərqdə qeyri-sabitlik yaratmaqda ittiham edib. Daha sonra adıçəkilən ölkələr Qətərə 13 bənddən ibarət ultimatum veriblər. Rəsmi Doha ölkəyə qarşı irəli sürülən ittihamları və ultimatumu qətiyyətlə rədd edib.
Fərid Rəsulov
OXŞAR XƏBƏRLƏR
“Bu gün 50 milyondan çox insan üçün Azərbaycan dili ana dilidir” I APA TV
Lüğətimizdə yeni mərhələ: süni intellektdən istifadə olunur I APA TV
Qırğızıstanda “Baku Resort & Spa” mehmanxanasının açılışı oldu | APA TV
İlham Əliyevə 1-ci dərəcəli “Manas” ordeni təqdim edildi
İlham Əliyevin Çolpon-Ata şəhərində rəsmi qarşılanma mərasimi olub
