ATƏT PA-nın növbəti sessiyalarında Dağlıq Qarabağla bağlı müzakirələr olacaq
ATƏT Parlament Assambleyasının (PA) növbəti sessiyalarında Dağlıq Qarabağla bağlı müzakirələr olacaq.
APA TV-nin xəbərinə görə, bunu Azərbaycanda səfərdə olan ATƏT PA sədri Kristina Muttonen deyib.
O qeyd edib ki, PA sessiyalarında üzv ölkələrin nümayəndələri öz ölkələrinin problemlərini qaldırırlar, o cümlədən Azərbaycan nümayəndə heyətinin qaldırdığı bu məsələ də müzakirə olunacaq: “Parlament Assambleyası bir platformadır. Münaqişələr, problemlər, xüsusilə ATƏT məkanında olan münaqişələr bu platformada müzakirə olunur. ATƏT-in Cənubi Qafqaz üzrə xüsusi nümayəndəsi var və ATƏT bu nümayəndə vasitəsilə problemi diqqətdə saxlayır. Bu məsələ danışıqlardan, debatlardan keçir. Problemin həlli ölkələr arasında kommunikasiyanın, münasibətlərin normallaşmasına gətirib çıxarar ki, bu da müsbət haldır”.
Kristina Muttonen cəbhə xəttinə səfər edib-etməyəcəyi barədə suala cavabında qeyd edib ki, bu dəfə cəbhə bölgəsinə səfəri gözlənilməsə də, növbəti səfərlərdə bu ola bilər.
Qeyd edək ki, dünən Azərbaycana səfəri başlayan ATƏT PA sədri Fəxri Xiyabanda Heydər Əliyevin, akademik Zərifə Əliyevanın məzarlarını və Şəhidlər Xiyabanını ziyarət edib.
Fərid Rəsulov
OXŞAR XƏBƏRLƏR
“Bu gün 50 milyondan çox insan üçün Azərbaycan dili ana dilidir” I APA TV
Lüğətimizdə yeni mərhələ: süni intellektdən istifadə olunur I APA TV
Qırğızıstanda “Baku Resort & Spa” mehmanxanasının açılışı oldu | APA TV
İlham Əliyevə 1-ci dərəcəli “Manas” ordeni təqdim edildi
İlham Əliyevin Çolpon-Ata şəhərində rəsmi qarşılanma mərasimi olub
