"İrma" təhlükəsinə görə turistlər evakuasiya olunur - ƏHALİ TƏŞVİŞ İÇİNDƏDİR
ABŞ-ın Florida ştatındakı Monro dairəsinin rəhbərliyi yaxınlaşmaqda olan "İrma" qasırğası ilə əlaqədar turistlərin ştatın cənub sahillərindəki adalardan evakuasiyasına başlanıldığını açıqlayıb. Qasırğanın artıq güclənərək maksimal 5-ci həyəcan dərəcəsinə çatdığı deyilir.
APA TV xəbər verir ki, yayılmış xəbərdarlıqda ilk növbədə Ki adalar qrupunda istirahət edən turistlərin köçürülməsi qeyd olunub. Ancaq qasırğa hələlik Ki-Uest şəhərinin 2,5 min kilometrliyindədir. O, 22,5 km/saat sürətilə qərbə doğru hərəkət edir. Qasırğanın mərkəzində isə küləyin sürəti 290 km/saat-dır.
Buna qədər ABŞ-a məxsus Puerto-Riko adasında və məskunlaşmanın sıx olduğu Florida ştatında "İrma" qasırğasının gözlənilməsi ilə bağlı fövqəladə vəziyyət elan olunub. Meteoroloqların proqnozlarına görə, ölkədə 25 sm yağmur və 7 m hündürlüyündə dalğaların yaranacağı gözlənilir. Əhaliyə lazımi qida və məişət ehtiyatlarının toplanılması tövsiyə olunub. Buna görə də ştat ərazisindəki ticarət mərkəzlərində görünməmiş həyəcan yaşanıb.
Apa.tv
OXŞAR XƏBƏRLƏR
“Bu gün 50 milyondan çox insan üçün Azərbaycan dili ana dilidir” I APA TV
Lüğətimizdə yeni mərhələ: süni intellektdən istifadə olunur I APA TV
Qırğızıstanda “Baku Resort & Spa” mehmanxanasının açılışı oldu | APA TV
İlham Əliyevə 1-ci dərəcəli “Manas” ordeni təqdim edildi
İlham Əliyevin Çolpon-Ata şəhərində rəsmi qarşılanma mərasimi olub
