Saakaşvilinin qardaşını tutdular
Ukraynanın hüquq-mühafizə orqanlarının əməkdaşları Gürcüstanın sabiq prezidenti və Odessa vilayətinin keçmiş rəhbəri Mixeil Saakaşvilinin qardaşı Davidi saxlayıblar.
APA-nın məlumatına əsasən, bu barədə Mixeil Saakaşvili"Facebook" sosial şəbəkəsindəki səhifəsində yazıb.
"Bu gün səhər saatlarında Daxili İşlər Nazirliyinin nümayəndələri qardaşım David Saakaşvilini Kiyevdə evindən çıxarkən saxlayıblar. Onu naməlum istiqamətdə aparıblar. O hüquqşünasdır. Onun Ukraynada yaşamaq üçün icazəsi var. Görünür, onlar mənə təsir etmək istəyirlər. Bu təsir nəticəsində məni Ukraynaya qayıtmaq fikrimdən daşındırmaq istəyirlər. Siz məni çox pis tanıyırsız! Bu addımınız mənim Ukraynanı və ukraynalıları özbaşınalıqdan müdafiə etməklə bağlı qətiyyətimi daha da möhkəmləndirir", - deyə o qeyd edib.
DİN isə bəyan edib ki, David Saakaşvili Ukraynada qanunsuz olaraq yaşayıb və onun ölkədən deportasiya olunmasına hazırlıq gedir.
Apa.tv
OXŞAR XƏBƏRLƏR
“Bu gün 50 milyondan çox insan üçün Azərbaycan dili ana dilidir” I APA TV
Lüğətimizdə yeni mərhələ: süni intellektdən istifadə olunur I APA TV
Qırğızıstanda “Baku Resort & Spa” mehmanxanasının açılışı oldu | APA TV
İlham Əliyevə 1-ci dərəcəli “Manas” ordeni təqdim edildi
İlham Əliyevin Çolpon-Ata şəhərində rəsmi qarşılanma mərasimi olub
