Ağcabədidə canavarlar 35 qoyunu yaraladı
Ağcabədidə canavarlar kəndə hücum edib. APA TV-nin yerli bürosunun məlumatına görə, hadisə rayonun Şənlik kəndində qeydə alınıb. Kənd sakini Arif Məmmədova məxsus təsərrüfata hücum edən canavarlar 150 başlıq qoyun sürüsündən 35 xırdabuynuzlu heyvanı yaralayıb, iki heyvanı isə tələf ediblər.
Hadisə gecə saatlarında baş verdiyindən təsərrüfat sahibi canavarların sürüyə hücum etməsindən xəbərsiz olub. Kəndə gələn Ağcabədi rayon Baytarlıq İdarəsinin əməkdaşları yaralı heyvanlara vaksin vuraraq onları sürüdən ayırıblar. Tələf olan heyvanları isə kənddən kənarda basdırıblar.
Arif Məmmədov hadisənin təfərrüatlarını belə açıqlayıb: "Səhərə yaxın idi, səsə çıxdım, gördüm ki, canavarlar heyvanlara hücum edib. İkisi ölüb, qalanı yaralıdır. Zəng vurdum ərazi nümayəndəsinə, gəldilər, yaralı heyvanlara vaksin vurdular. Ölən heyvanları da basdırdılar. İki heyvanım ölmüşdü, 35 heyvan də yaralanmışdı. Ölən heyvanlar ayaq altında qalıb ölmüşdü. Yarası yox idi".
Apa.tv
OXŞAR XƏBƏRLƏR
“Bu gün 50 milyondan çox insan üçün Azərbaycan dili ana dilidir” I APA TV
Lüğətimizdə yeni mərhələ: süni intellektdən istifadə olunur I APA TV
Qırğızıstanda “Baku Resort & Spa” mehmanxanasının açılışı oldu | APA TV
İlham Əliyevə 1-ci dərəcəli “Manas” ordeni təqdim edildi
İlham Əliyevin Çolpon-Ata şəhərində rəsmi qarşılanma mərasimi olub
