Ağ Ev: "Tramp müharibə variantı üzərində düşünür"
"Şimali Koreyaya münasibətdə daha sərt olmaq lazımdır". APA TV-nin Rusiya mətbuatına istinadən məlumatına görə, bu fikirləri ABŞ prezidenti öz "Twitter" səhifəsində yazıb.
Donald Tramp qeyd edib ki, Vaşinqton 25 ildir Pxenyanla danışıqlar aparıb, lakin ortada nəticə yoxdur. Belə halda isə məsələyə birdəfəlik son qoymaq lazımdır.
Ağ Evin mətbuat katibi Sara Sanders onun açıqlamasına aydınlıq gətirib:
"ABŞ prezidenti Koreya Xalq Demokratik Respublikasının (KXDR) nüvə proqramı məsələsinin həlli istiqamətində hərbi variantı istisna etmir. O, açıq-aydın deyib ki, hərbi variant mümkündür. Şimali Koreyaya qarşı sərt sanksiyalar tətbiq edilib, ABŞ Pxenyanın nüvə proqramı ilə bağlı ciddi tədbirlər görməkdə davam edir" - deyə, bəyanatda bildirilir.
Nigar Həsənli
OXŞAR XƏBƏRLƏR
“Bu gün 50 milyondan çox insan üçün Azərbaycan dili ana dilidir” I APA TV
Lüğətimizdə yeni mərhələ: süni intellektdən istifadə olunur I APA TV
Qırğızıstanda “Baku Resort & Spa” mehmanxanasının açılışı oldu | APA TV
İlham Əliyevə 1-ci dərəcəli “Manas” ordeni təqdim edildi
İlham Əliyevin Çolpon-Ata şəhərində rəsmi qarşılanma mərasimi olub
