Türkiyə XİN-dən Ərdoğanın mühafizəçilərinə qarşı ittihama cavab
Türkiyənin Xarici İşlər Nazirliyi ABŞ-da prezident Ərdoğanın mühafizəçilərinə qarşı cinayət işinin açılmasına görə rəsmi Vaşinqtona etirazını bildirib. APA TV-nin “Anadolu” agentliyinə istinadən verdiyi xəbərə görə, bu barədə nazirliyin yaydığı açıqlamada bildirilir.
Bəyanatda deyilir ki, Türkiyə qərəzli iddianamə və cinayət işinin açılmasına qəti şəkildə etiraz edir. Bəyanatda qeyd olunub ki, Türkiyə nümayəndə heyətinin təhlükəsizliyi təmin olunmadığı halda, PKK tərəfdarları aksiya adı altında təxribatlara əl atıblar. Türkiyə XİN bildirir ki, bu barədə ABŞ-ın müvafiq qurumlarına dəfələrlə məlumat verilib.
Ötən gün rəsmi Vaşinqton ABŞ-da etirazçılara hücum etdiklərinə görə Türkiyə prezidenti Rəcəb Tayyip Ərdoğanın mühafizəçilərinə qarşı ittiham irəli sürüb. Etirazçılarla mühafizəçilər arasında qarşıdurma R.T.Ərdoğanın mayda Vaşinqtona səfəri zamanı, Türkiyə səfirinin iqamətgahı qarşısında baş verib. Məlumata görə, ittiham, ümumilikdə, 19 nəfərə qarşı irəli sürülüb. Onlardan 15 nəfəri Türkiyə təhlükəsizlik xidmətlərinin əməkdaşlarıdır.
OXŞAR XƏBƏRLƏR
“Bu gün 50 milyondan çox insan üçün Azərbaycan dili ana dilidir” I APA TV
Lüğətimizdə yeni mərhələ: süni intellektdən istifadə olunur I APA TV
Qırğızıstanda “Baku Resort & Spa” mehmanxanasının açılışı oldu | APA TV
İlham Əliyevə 1-ci dərəcəli “Manas” ordeni təqdim edildi
İlham Əliyevin Çolpon-Ata şəhərində rəsmi qarşılanma mərasimi olub
