Türkiyənin Zəfər bayramı münasibətilə Bakıda qəbul təşkil edilib
Türkiyənin Azərbaycandakı səfirliyində 30 avqust - Zəfər bayramı münasibətilə qəbul təşkil olunub.
APA TV-nin məlumatına görə qəbul mərasimində hər iki ölkənin dövlət himnləri səsləndirilib.
Daha sonra Türkiyənin Azərbaycandakı səfiri Erkan Özoral Türkiyə prezidentinin 30 avqust mesajını oxuyub. Mesajda bildirilir ki, 30 avqust zəfəri ilə türk milləti azad yaşama iradəsini dünyaya elan edib: “Türkiyə 95 il əvvəl olduğu kimi, bu gün də iqtisadi və siyasi təhdidlərlə mübarizə aparır. Ölkənin terror təşkilatlarına qarşı mübarizəsi vətəndaşlarının təhlükəsizliyini və qlobal təhlükəsizliyi təmin edir. Ölkəmiz hər cür çətinliklərin öhdəsindən gələ biləcək gücə malikdir".
Tədbirdə Azərbaycanda akkreditə olunmuş diplomatik korpus nümayəndələri, ictimai-siyasi xadimlər iştirak edib.
Nigar Həsənli
OXŞAR XƏBƏRLƏR
“Bu gün 50 milyondan çox insan üçün Azərbaycan dili ana dilidir” I APA TV
Lüğətimizdə yeni mərhələ: süni intellektdən istifadə olunur I APA TV
Qırğızıstanda “Baku Resort & Spa” mehmanxanasının açılışı oldu | APA TV
İlham Əliyevə 1-ci dərəcəli “Manas” ordeni təqdim edildi
İlham Əliyevin Çolpon-Ata şəhərində rəsmi qarşılanma mərasimi olub
