Türkiyənin dəstəklədiyi qüvvələrlə ABŞ hərbçiləri arasında döyüş oldu - SURİYADA
"Suriyadakı ABŞ hərbçiləri Türkiyənin dəstəklədiyi yerli müxalif qruplaşma ilə silahlı qarşıdurmaya qarışmaq məcburiyyətində qalıb".
APA TV-nin "Reuters"ə istinadən məlumatına görə, bunu "Tərəddüdsüz qərarlılıq" əməliyyatının qərargah nümayəndəsi Rayan Dillon bildirib.
O deyib ki, Menbiçdəki əməliyyatda iştirak edən hərbçilər mühasirəyə alınıb, bundan sonra isə onlar tərəfindən cavab atəşi açılıb. Türkiyənin dəstəklədiyi müxalif qüvvələr də məhz bu bölgədə cəmləşib. ABŞ-ın Suriyadakı hərbi komandanlığı məsələ ilə bağlı Türkiyə tərəfinin artıq məlumatlandırıldığını bildirib.
Qeyd edək ki, 2011-ci ildə müxalif qüvvələrin prezident Bəşər Əsədi devirmək uğrunda başladığı mübarizə vətəndaş müharibəsinə çevrilib və bu, İŞİD kimi terrorçu qruplaşmaların daha da möhkəmlənməsinə səbbə olub. 2014-cü ildə isə ABŞ-ın komandanlıq etdiyi koalisiya İŞİD-ə qarşı mübarizəyə başlayıb.
Fərid Rəsulov
OXŞAR XƏBƏRLƏR
“Bu gün 50 milyondan çox insan üçün Azərbaycan dili ana dilidir” I APA TV
Lüğətimizdə yeni mərhələ: süni intellektdən istifadə olunur I APA TV
Qırğızıstanda “Baku Resort & Spa” mehmanxanasının açılışı oldu | APA TV
İlham Əliyevə 1-ci dərəcəli “Manas” ordeni təqdim edildi
İlham Əliyevin Çolpon-Ata şəhərində rəsmi qarşılanma mərasimi olub
