Meşədə itən 5 yaşlı uşaq tapıldı - ƏVVƏLCƏ SU İSTƏYİB
Quba rayonunda 5 yaşlı uşaq itkin düşdüyü yerdən 6 km aralıda tapılıb. APA TV-nin Şimal bürosunun verdiyi məlumata görə, 2011-ci il təvəllüdlü Əliyev Natiq Namiq oğlu Fövqəladə Hallar Nazirliyinin əməkdaşları tərəfindən Əski İqrıq kəndi ilə Gültəpə kəndi ərazisindəki meşə massivindən tapılıb. 3 gün ərzində qidalanmadığı üçün azyaşlı tapılarkən halsız olub. O, xilasedicilərdən öncə su istəyib. Natiqin atası uşağın tapılmasını möcüzə hesab edir: "İki gün ərzində ac-susuz qalıb. İri yarğanda tapılıb. İki gün ərzində bir Allah bilir nələr çəkmişik. Çıxıb gördüm, yaxşıdır. Həkimlər baxır. Möcüzəvi bir şeydir. Bütün aidiyyəti orqanlara təşəkkür edirəm".
N. Əliyev tibbi müayinədən keçirilməsi üçün Quba Mərkəzi Rayon Xəstəxanasına aparılıb: "Monitor müşahidəsinə götürüb. Müəyyən müayinələr aparılıb. Ola bilər səhhətində xırda problemlər olsun. Həyatı üçün hər hansı təhlükə yoxdur, bütün göstəriciləri qaydasındadır".
Qeyd edək ki, N. Əliyev avqustun 28-də rayonun Əski İqrıq kəndində meşəlik ərazidə yerləşən istirahət mərkəzlərinin birində itmişdi. Yaxınlarının xına mərasimində iştirak edən ailə üzvləri ilə birlikdə istirahət mərkəzində olan azyaşlı bir müddət sonra yoxa çıxmışdı. Onun axtarışlarına Xüsusi Riskli Xilasetmə Xidmətinin, Dövlət Yanğından Mühafizə Xidmətinin, Mülki müdafiə qoşunlarının, Şimal Regional Mərkəzinin müvafiq axtarış-xilasetmə qüvvələri və kənd sakinləri cəlb olunmuşdu. 3 gün ərzində FHN-nin əməkdaşları tərəfindən fasiləsiz əməliyyat axtarış tədbirləri həyata keçirilib.
Apa.tv
OXŞAR XƏBƏRLƏR
“Bu gün 50 milyondan çox insan üçün Azərbaycan dili ana dilidir” I APA TV
Lüğətimizdə yeni mərhələ: süni intellektdən istifadə olunur I APA TV
Qırğızıstanda “Baku Resort & Spa” mehmanxanasının açılışı oldu | APA TV
İlham Əliyevə 1-ci dərəcəli “Manas” ordeni təqdim edildi
İlham Əliyevin Çolpon-Ata şəhərində rəsmi qarşılanma mərasimi olub
