Kəmaləddin Heydərov qəbul keçirdi
Fövqəladə Hallar Naziri Kəmaləddin Heydərov Cəlilabad rayonunda cənub bölgəsindən olan vətəndaşları qəbul edib. APA TV-nin cənub bürosunun məlumatına görə, görüş FHN-in Cəlilabad rayon Dövlət Yanğından Mühafizə Hissəsinin inzibati binasında baş tutub. Qəbulda Cəlilabadla yanaşı, Masallı, Lənkəran, Astara, Lerik və Yardımlı rayonlarının sakinləri, eləcə də həmin rayonlarda məskunlaşmış məcburi köçkünlər də iştirak ediblər. Fövqəladə hallar zamanı ev və obyektlərinə ziyan dəyən sakinlərin təmir və kompensasiya ilə bağlı problemləri dinlənilib.
Günün ikinci yarısına kimi davam edən qəbulda 100-dən çox sakin qəbula yazılıb. Bütün müraciətlər diqqətlə dinlənilib. Nazirliyin müvafiq strukturlarının rəhbərlərinin də iştirak etdikləri qəbulda vətəndaşların nazirə müraciətlərində işə qəbul, qəzalı evlərin təmirinə köməklik kimi məsələlər üstünlük təşkil edib. Şikayətlərin bir qismi yerindəcə həllini tapıb. Nazirliyin səlahiyyətinə aid olmayan məsələlər isə əlaqədar qurumlara çatdırılması ötrü nəzarətə götürülüb.
OXŞAR XƏBƏRLƏR
Səhiyyə Nazirliyi: Azad edilmiş ərazilərdə xəstəxanaların layihələndirilməsi işləri gedir
"Azərbaycanın yaratdığı əməkdaşlıq irsinə əsaslanan model formalaşdıracağıq"
Bakıda leysan, dağlarda qar gözlənilir - HAVA PROQNOZU
Bakıda və bölgələrdə güclü külək gözlənilir
Yardımlıda qədim dəfn adətlərinə dair FAKTLAR ÜZƏ ÇIXDI
