Türkmən şəhərində şiddətli döyüşlər: İŞİD SIXIŞDIRILIR
İraq ordusu Telafer şəhərinin mərkəzinə daxil olub. APA TV-nin "Euronews"a istinadən məlumatına görə, hökumət qüvvələri komandanlığından İŞİD-ə ağır zərbələr vurulduğu bəyan edilir.
Hazırda şiddətli döyüşlərin davam etdiyi bildirilir. Mosulun 70 kilometrliyində yerləşən Telafer İŞİD-in İraq ərazisində əlində saxladığı son şəhərdir. Əhalisinin əksəriyyətini türkmənlərin təşkil etdiyi şəhər olduqca strateji mövqedə yerləşir. Telafer vasitəsilə qruplaşma Suriya ərazisi ilə əlaqə saxlaya bilir.
Şəhərdə 2 mindən çox terrorçunun müqavimət göstərdiyi qeyd olunur. Onların çoxu başqa-başqa ölkələrin vətəndaşlarıdır. Terrorçular hazırda Telaferin şimal-şərq hissəsinə nəzarət edir. Həmin səmtlərdə on mindən çox dinc sakin yaşayır.
Telafer əməliyyatı avqustun 20-dən başlanıb. Əməliyyatda İraq ordusundan başqa "Haşdi Şabi", kürd silahlı qruplaşmaları iştirak edir. Əməliyyata ABŞ-ın rəhbərliyi ilə beynəlxalq koalisiya dəstək verir.
Elvin Bayramlı
OXŞAR XƏBƏRLƏR
Elçin Əfəndiyevin I Fəxri xiyabanda qəbirüstü abidəsinin açılışı olub
“Bu gün 50 milyondan çox insan üçün Azərbaycan dili ana dilidir” I APA TV
Lüğətimizdə yeni mərhələ: süni intellektdən istifadə olunur I APA TV
Qırğızıstanda “Baku Resort & Spa” mehmanxanasının açılışı oldu | APA TV
İlham Əliyevə 1-ci dərəcəli “Manas” ordeni təqdim edildi
