Qətər İrandan geri çağırdığı səfiri yenidən Tehrana göndərdi
Qətər hakimiyyəti 6 aylıq fasilədən sonra İranla diplomatik əlaqələri bərpa etmək qərarına gəlib.
APA TV-nin Rusiya mətbuatına istinadən məlumatına görə, Qətərin Xarici İşlər Nazirliyindən ölkənin İrandakı səfirinin tezliklə vəzifəsinin icrasına davam edəcəyi bildirilib. Bəyanatda həmçinin İranla münasibətlərin gələcəkdə daha da möhkəmləndiriləcəyi qeyd olunub.
Xatırladaq ki, Qətərin İrandakı səfiri 2016-cı ildə Səudiyyə Ərəbistanının İrandakı diplomatik missiyasına hücumdan sonra geri çağırılıb. Rəsmi Doha bu qərarı Səudiyyə Ərəbistanı, Bəhreyn, Sudan və Kuveytin ardınca verib.
Xatırladaq ki, iyunun sonunda dörd ölkə Qətərə 13 maddəlik ultimatum göndərərək, digər ölkələrin vətəndaşlarına qarşı ayrı-seçkiliyə son qoyulması, Səudiyyə, Birləşmiş Ərəb Əmirlikləri, Misir və Bəhreyndə terrorçuluq maddəsilə axtarılan şəxslərin ekstradisiyası, eləcə də Türkiyənin Qətərdəki hərbi iştirakını dayandırılmasını tələb edib. Bundan əlavə, tələblər arasında kompensasiyanın ödənilməsi də var.
Öz növbəsində Qətər isə regional böhrana son qoyulması üçün müzakirələrə hazır olduğunu bildirib.
Fərid Rəsulov
OXŞAR XƏBƏRLƏR
Elçin Əfəndiyevin I Fəxri xiyabanda qəbirüstü abidəsinin açılışı olub
“Bu gün 50 milyondan çox insan üçün Azərbaycan dili ana dilidir” I APA TV
Lüğətimizdə yeni mərhələ: süni intellektdən istifadə olunur I APA TV
Qırğızıstanda “Baku Resort & Spa” mehmanxanasının açılışı oldu | APA TV
İlham Əliyevə 1-ci dərəcəli “Manas” ordeni təqdim edildi
