İsmayıllıda yeni tikilən ev yanaraq külə döndü - HADİSƏ ANI
İsmayıllıda yeni tikilən ikimərtəbəli fərdi yaşayış evi yanıb. APA TV-nin yerli bürosunun məlumaına görə, yanğın hadisəsi bu gün günorta saatlarında İsmayıllı şəhərinin Əbdülhəsən Ələkbərzadə küçəsində qeydə alınıb.
Şəhər sakini, 1984-cü il təvəllüdlü Babayev Vüsal Məmmədəmin oğluna məxsus ümumi sahəsi 126 kvadratmetr olan ikimərtəbəli evdə baş verən yanğının söndürülməsi üçün əraziyə Fövqəladə Hallar Nazirliyinin İsmayıllı rayon Dövlət Yanğından Mühafizə Hissəsinin 2 yanğınsöndürən maşını və canlı qüvvəsi cəlb olunub. Yanğın zamanı evin bütün hissəsi içərisindəki məişət əşyaları ilə birlikdə tamamilə yanaraq külə dönüb.
Ailə üzvlərinə məxsus pul, sənədlər, geyim və qızıl-zinyət əşyaları da yanıb. Evin ətrafındakı yardımçı tikililər yanğından mühafizə olunub. Evin yeni tikilərək istifadəyə verildiyi və hadisə zamanı xəsarət alan olmadığı bildirilir.
Faktla bağlı araşdırma aparılır.
Elvin Yaqubov
OXŞAR XƏBƏRLƏR
Elçin Əfəndiyevin I Fəxri xiyabanda qəbirüstü abidəsinin açılışı olub
“Bu gün 50 milyondan çox insan üçün Azərbaycan dili ana dilidir” I APA TV
Lüğətimizdə yeni mərhələ: süni intellektdən istifadə olunur I APA TV
Qırğızıstanda “Baku Resort & Spa” mehmanxanasının açılışı oldu | APA TV
İlham Əliyevə 1-ci dərəcəli “Manas” ordeni təqdim edildi
