Bakıda yaşlı qadını ATASININ GÖZÜ QARŞISINDA ZORLAYAN gənc həbs olundu
Suraxanı rayonunda 58 yaşlı qadın zorlanıb. Hüquq-mühafizə orqanlarından APA TV-yə bildirilib ki, 25 yaşlı oğlan qadını təqib edib. Gecə saatlarında Bülbülə qəsəbəsində yaşayan atasına baş çəkməyə gedən qadın evə daxil olan zaman bir nəfər naməlum şəxsin hasardan tullanaraq, onların həyətinə daxil olduğunun şahidi olub. Qadın qışqırmağa başlasa da, özünü ona çatdıran gənc buna mane olmağa çalışıb. Naməlum şəxs onu soyunmağa məcbur edib. Müqavimət göstərə bilməyən qadını 2 dəfə zorlayıb. Məlumata görə, hadisə qadının yaşlı atasının gözləri qarşısında baş verib. Onlar qışqırıb kömək istəsələr də, qonşulardan hec kim yardıma gəlməyib. Ertəsi gün qadın 102 "Qaynar xətt"inə zəng edərək, hadisə barədə polisi məlumatlandırıb. Aparılan araşdırmalar nəticəsində hadisəni törətməkdə təqsirləndirilən 25 yaşlı Babayev saxlanılıb. Bülbülə qəsəbəsində bərbərlik edən Babayev əməlindən peşman olduğunu, sərxoş olduğu ücün özünü idarə edə bilmədiyini deyib. Toplanmış materiallar polis bölməsindən Suraxanı rayon Prokurorluğuna göndəriləcək.
OXŞAR XƏBƏRLƏR
Səhiyyə Nazirliyi: Azad edilmiş ərazilərdə xəstəxanaların layihələndirilməsi işləri gedir
"Azərbaycanın yaratdığı əməkdaşlıq irsinə əsaslanan model formalaşdıracağıq"
Bakıda leysan, dağlarda qar gözlənilir - HAVA PROQNOZU
Bakıda və bölgələrdə güclü külək gözlənilir
Yardımlıda qədim dəfn adətlərinə dair FAKTLAR ÜZƏ ÇIXDI
