Politoloq: "Ərəb baharı" başa çatdı"
"Ərəb baharı" dövrünün gətirdiyi qeyri-stabil vəziyyət başa çatır. Şimali Afrika və Yaxın Şərq ölkələrini indi daha dinc dövr gözləyir".
APA TV-nin Rusiya mətbuatına istinadən məlumatına görə, bunu "Bloomberg" telekanalına müsahibəsində Omanın maliyyə eksperti Fabio Skaççavillani bildirib.
O deyib ki, Şimali Afrika və Yaxın Şərqdəki mövcud vəziyyəti dəyərləndirmək üçün 2011-ci ildən ötən dövrə nəzər salmaq vacibdir:
"Ötən dövr ərzində regional güclər mövcud vəziyyətdən istifadə edərək bəzi ölkələrdə hakimiyyəti ələ keçirməyə çalışan qüvvələri dəstəkləyib. Lakin, xoşbəxt gələcək ümidi ilə hakimiyyətin dəyişməsi, iqtisadi və siyasi sahələrdə müsbət yeniliklərin olacağına inamı artıran "Ərəb baharı" artıq arxada qalıb" deyə ekspert bildirib.
F. Skaççavillani həmçinin yaxın gələcəkdə Səudiyyə Ərəbistanı və İran arasındakı gərginliyin azalacağını və yekun nəticədə regionda daha stabil vəziyyətin hökm sürəcəyini qeyd edib.
Qeyd edək ki, bir qədər əvvəl Rusiyanın müdafiə naziri Sergey Şoyqu da Suriyada vətəndaş müharibəsinin bitdiyini açıqlayıb.
Fərid Rəsulov
OXŞAR XƏBƏRLƏR
Prezident İlham Əliyev “Yeni Səngəçal” yarımstansiyasının açılışında iştirak etdi
Elçin Əfəndiyevin I Fəxri xiyabanda qəbirüstü abidəsinin açılışı olub
“Bu gün 50 milyondan çox insan üçün Azərbaycan dili ana dilidir” I APA TV
Lüğətimizdə yeni mərhələ: süni intellektdən istifadə olunur I APA TV
Qırğızıstanda “Baku Resort & Spa” mehmanxanasının açılışı oldu | APA TV
