Liviyanın ən böyük yatağında hasilatın dayanması nefti bahalaşdırıb
Liviya "Aş-Şarara" neft yatağında hasilatın dayandırılması xəbəri neftin qiymətini bahalaşdırıb. APA TV-nin məlumatına görə, Amerikada neft ehtiyatlarının azalmasına dair növbəti hesabat da "qara qızıl"ın qiymətlərini dəstəkləyir. Amerika Neft İnstitutu ötən həftə ehtiyatların daha 3,6 milyon barel azaldığına dair proqnozlar verib. ABŞ Energetika Nazirliyi ehtiyatlarını həcminə dair rəsmi hesabatı bu gün açıqlayacaq.
Birjalarda "Brent" markalı neft 51,66 dollardan satılır, Qərbi Texas nefti isə 47,66 dollara təklif olunur. ABŞ-da ehtiyatların azalması fonunda hasilatın artması WTİ markalı neftə tələbatı azaldıb, bu səbəbdən iki marka arasında fərq uzun müddətdən sonra ilk dəfə 4 dollar təşkil edib.
İnvestorları narahat edən məqamlardan biri hasilatın azaldılmasına dair OPEK razılaşmasının ləğvinə dair iddialardır. Ehtimallara görə, OPEK üzvlərinin noyabrda keçiriləcək toplantısında sazişin vaxtından əvvəl qüvvədən düşməsinə dair razılaşma əldə oluna bilər. Bu qeyri-müəyyənlik bazarda neftin bahalaşmasını ləngidən əsas faktordur.
Elvin Bayramlı
OXŞAR XƏBƏRLƏR
Prezident İlham Əliyev “Yeni Səngəçal” yarımstansiyasının açılışında iştirak etdi
Elçin Əfəndiyevin I Fəxri xiyabanda qəbirüstü abidəsinin açılışı olub
“Bu gün 50 milyondan çox insan üçün Azərbaycan dili ana dilidir” I APA TV
Lüğətimizdə yeni mərhələ: süni intellektdən istifadə olunur I APA TV
Qırğızıstanda “Baku Resort & Spa” mehmanxanasının açılışı oldu | APA TV
