Yardımlıya narkotik almağa gəldi, ortağı ilə tutuldu
Yardımlıda əvvəllər də eyni əmələ görə məhkumluq həyatı yaşayan Ağcabədi sakinindən küllü miqdarda narkotik götürülüb.
APA TV-nin Cənub bürosunun verdiyi məlumata görə, Yardımlı polisinin rayonun Zevin kəndi ərazisində keçirdiyi əməliyyat-axtarış tədbirləri nəticəsində külli miqdarda narkotik vasitə dövriyyədən çıxarılıb. Yardımlı rayon Məlikli kənd sakini Seymur İbayevin köməkliyi ilə Ağcabədi rayon Hindarx kənd sakini 34 yaşlı Sabit Babayev Yardımlıya narkotik almaq üçün gəlib. Polisin keçirdiyi əməliyyat zamanı onun üzərindən 1 kq 870 qram tiryək aşkar olunaraq götürülüb.
Polis bu narkotik vasitəni onların kimdən aldığını və ya necə əldə etdiklərini araşdırır: "İstintaq zamanı müəyyən edilib ki, Sabit Babayevə həmən narkotik vasitəni əldə etməkdə Yardımlı rayon Məlikli kənd sakini İsayev Seymur Teymur oğlu İbayev köməklik edib. Hər iki şəxs tərəfimizdən təqsirləndirilən şəxs qismində cəlb edilmiş və Yardımlı rayon Məhkəməsinin qərarı ilə barələrində həbs qəti imkan tədbiri seçilmişdir".
Faktla bağlı araşdırmalar aparılır.
OXŞAR XƏBƏRLƏR
Prezident İlham Əliyev “Yeni Səngəçal” yarımstansiyasının açılışında iştirak etdi
Elçin Əfəndiyevin I Fəxri xiyabanda qəbirüstü abidəsinin açılışı olub
“Bu gün 50 milyondan çox insan üçün Azərbaycan dili ana dilidir” I APA TV
Lüğətimizdə yeni mərhələ: süni intellektdən istifadə olunur I APA TV
Qırğızıstanda “Baku Resort & Spa” mehmanxanasının açılışı oldu | APA TV
