"Qarabağ" - "Kopenhagen": Kim qalib gələcək - SORĞU
Bu gün Çempionlar liqasının play-off mərhələsində ilk oyunlar keçiriləcək. APA TV-nin məlumatına görə, Ağdamın "Qarabağ" komandası tarixində ilk dəfə bu mərhələdə iştirak edəcək.
Bu uğur həm də Azərbaycan futbol tarixində bir ilkdir. Görüş Bakı vaxtı ilə saat 20:00-də Tofiq Bəhramov adına stadionda baş tutacaq. Rəqib isə Danimarkanın "Kopenhagen" klubudur.
Bu, Azərbaycan klublarının "Kopenhagen"lə ikinci dueli olacaq. 1998/99 mövsümünün Kuboklar kubokunda "Qarabağ"la danimarkalıların yolları kəsişib. Həmin vaxt ilk görüşdə 0:6, ikincidə isə 0:4 hesabı ilə uduzan təmsilçimiz 19 il sonra revanş almağa köklənib.
Bəs, Bakı sakinləri necə, futbolçularımızın qələbəsinə inanırmı?
- "Mənə elə gəlir ki, ya "Qarabağ" 2:0 udacaq, ya da heç-heç olacaq"
- "Qarabağ"ın qələbəsinə inanıram, 2:0, 1:0, belə hesab gözləyirəm"
- "Oyuna özüm də gedəcəyəm baxmağa, biletim var, inşallah yaxşı nəticə gözləyirik İlk dəfədir pley-off mərhələsinə keçmişik, çox güclü rəqibdir, amma inanırıq və stadionda olacağıq".
- "Oyundan yaxşı şeylər gözləyirəm, əminəm ki, udarıq yaxşı olar".
- "Qarabağ" qalib gələcək, 1-0".
- "Fikirləşirəm ki, "Qarabağ" bu gün udacaq, xalqımızı sevindirəcək".
- "Təbii ki, istəyərəm "Qarabağ"ımız udsun, inşallah udarıq".
- "Qarabağ"ın oyunundan bütün azarkeşlər kimi qalibiyyət gözləyirəm, komandamız udsa da, uduzsa da dəstəkləyirəm, 2-1, 1-0 udacağını düşünürəm".
- "Allah qoysa udacağıq, 2-1"
- "İnşallah 2-0 udarıq, səfərdə də qalibiyyət gözləyirik, inşallah "Qarabağ" Azərbaycanı Çempionlar liqasında təmsil edər".
OXŞAR XƏBƏRLƏR
Qardaş ölkənin media nümayəndələri BAKIDA
Prezident İlham Əliyev “Yeni Səngəçal” yarımstansiyasının açılışında iştirak etdi
Elçin Əfəndiyevin I Fəxri xiyabanda qəbirüstü abidəsinin açılışı olub
“Bu gün 50 milyondan çox insan üçün Azərbaycan dili ana dilidir” I APA TV
Lüğətimizdə yeni mərhələ: süni intellektdən istifadə olunur I APA TV
