İŞİD Suriyada illərdir nəzarət etdiyi bölgədən çıxarıldı
Suriyanın Homs vilayətində İŞİD-in nəzarətində olan son qəsəbə terrorçulardan azad edilib. APA TV-nin Rusiya mətbuatına istinadən məlumatına görə, Homsla Rəqqa arasında olan Əl-Qadir qəsəbəsi artıq Suriya ordusunun nəzarətindədir.
Bölgəyə desant çıxarıldığı qeyd edilir: "Hazırda ordu Suriya səhrasına tərəf irəliləyir" - deyə, ölkənin Müdafiə Nazirliyindən bildirilib.
Əməliyyat gecə saatlarında başlanıb. Desant İŞİD-in 20 kilometr arxasındakı mövqelərə çıxarılıb. Hərbçilər həmin bölgədəndən irəliləyərək qarşıdakı qruplaşmanı tam zərəsizləşdirib. Əl-Qadirlə bərabər Hurbet Mekman qəsəbəsi də terrorçulardan təmizlənib.
Bundan başqa Suriya ordusunun Rəqqa istiqamətində 12 kilometr irəlilədiyi də verilən xəbərlər arasındadır. Həmin istiqamətdə isə Bir ar-Raxum kəndi İŞİD-dən geri alınıb.
Döyüşlərdə xeyli terrorçu, o cümlədən onlara aid hərbi texnika - 13 yük maşını, pulemyotlar quraşdırılmış 7 pikap, iki tank və bir neçə kiçik kalibrli top məhv edilib.
Bundan əvvəl isə ordu Homsda İŞİD-in "qalası" sayılan Əs-Sunxe şəhərini azad edib.
Elvin Bayramlı
OXŞAR XƏBƏRLƏR
Qardaş ölkənin media nümayəndələri BAKIDA
Prezident İlham Əliyev “Yeni Səngəçal” yarımstansiyasının açılışında iştirak etdi
Elçin Əfəndiyevin I Fəxri xiyabanda qəbirüstü abidəsinin açılışı olub
“Bu gün 50 milyondan çox insan üçün Azərbaycan dili ana dilidir” I APA TV
Lüğətimizdə yeni mərhələ: süni intellektdən istifadə olunur I APA TV
