Masallıda gənc ailənin yeni tikdiyi ev yandı
Masallıda iki mərtəbəli yaşayış evi əşyaları ilə birlikdə yanaraq külə dönüb. APA TV-nin cənub bürosunun məlumatına görə, hadisə rayonun Bədəlan kəndində qeydə alınıb. Kənd sakini Ülfət Əhmədova məxsus yaşayış evində anidən yanğın başlayıb. Hadisə zamanı evdə ailə üzvlərindən heç kim olmayıb. Hadisədən yaxınlıqdakı insanlar xəbər tutublar. Dərhal hadisə yerinə Masallıdan və Lənkərandan yanğınsöndürmə briqadaları cəlb edilib. Ümumi sahəsi 280 kvadrat metr olan ikimərtəbəli evin ikinci mərtəbəsi əşyaları ilə birlikdə yanaraq külə dönüb. Birinci mərtəbə və yaxınlıqda yerləşən evlər yanğından mühafizə olunub. Ev sahibinin sözlərinə görə, hadisəyə elektrik naqillərində yaranan qısaqapanma səbəb olub.
Ülfət Əhmədov, ev sahibi: “Yanğın zamanı evdə olmamışıq. Qohumgildə idik. Uzaqdan gördük yanğın var. Gəldim gördüm ev yanır. Təkcə qızılları götürə bildik, qalan hər şey yanıb kül oldub.
Qeyd edək ki, yaşayış evi yeni inşa edilib və ailə bir ildir ki, orada yaşayırdı. Fakt araşdırılır.
OXŞAR XƏBƏRLƏR
Qardaş ölkənin media nümayəndələri BAKIDA
Prezident İlham Əliyev “Yeni Səngəçal” yarımstansiyasının açılışında iştirak etdi
Elçin Əfəndiyevin I Fəxri xiyabanda qəbirüstü abidəsinin açılışı olub
“Bu gün 50 milyondan çox insan üçün Azərbaycan dili ana dilidir” I APA TV
Lüğətimizdə yeni mərhələ: süni intellektdən istifadə olunur I APA TV
