Siyəzəndə "Toyota" yük maşınını aşırdı, xəsarət alanlar var
Bakı-Quba yolunda yol nəqliyyat hadisəsi baş verib. APA TV-nin Şimal bürosunun verdiyi məlumata görə, hadisə magistralın Siyəzən rayonu ərazisindən keçən hissəsində qeydə alınıb. "Toyota" markalı avtomaşınla "Zil" markalı yük maşını toqquşub. Arxadan yük maşınına çırpılan "Toyota"nin zərbəsindən yük maşını aşıb.
Qəza nəticəsində 5 nəfər müxtəlif dərəcəli xəsarətlərlə Siyəzən Regional Diaqnostika Mərkəzinə yerləşdirilib. Xəsarət alan şəxslər "Toyota"nın sürücüsü 20 yaşlı Abdulla Mirzəyev, onun sərnişinləri 37 yaşlı Cəmilə Mirzəyeva, 62 yaşlı Nailə və 27 yaşlı Yelena Bayramovlar, eləcə də yük maşının sürücüsü, 33 yaşlı Elşad Heydərovdur.
Yük maşınının sürücüsü qəzanı belə xatırlayır: "Qubadan taxıl biçimindən qayıdırdım. 60-70-lə gəlirdim, "Prado" məni vurdu. Yüksək sürət maşını çevirdi. Maşının içindən çıxdım, sonra huşumu itirdim".
"Qəza ilə bağlı 5 nəfər gətirilib. Onlara tibbi yardım göstərilib, hazırda da davam etdirilir. Hamısının vəziyyəti qənaətbəxşdir".
Fakt araşdırılır.
Vəli Turan
OXŞAR XƏBƏRLƏR
Qardaş ölkənin media nümayəndələri BAKIDA
Prezident İlham Əliyev “Yeni Səngəçal” yarımstansiyasının açılışında iştirak etdi
Elçin Əfəndiyevin I Fəxri xiyabanda qəbirüstü abidəsinin açılışı olub
“Bu gün 50 milyondan çox insan üçün Azərbaycan dili ana dilidir” I APA TV
Lüğətimizdə yeni mərhələ: süni intellektdən istifadə olunur I APA TV
