Şəki meşələrində yanğın: alovla mübarizə 6 saatdan çox çəkib
Şəkidə meşə təsərrüfatı fonduna və kənd bələdiyyəsinə məxsus ərazidə yanğın olub. APA TV-nin məlumatına görə, iyulun 31-i günorta saat 13:35 radələrində Ekologiya və Təbii Sərvətlər Nazirliyinin Şəki Meşə Mühafizəsi və Bərpası Müəssisəsinin Göynük meşəbəyliyinin 2 saylı dolayında və həmin əraziyə bitişik, rayonun Baqqal kənd bələdiyyəsinə məxsus sahələrdə yanğın başlayıb. Yanğını söndürmək üçün Fövqəladə Hallar Nazirliyinin Şəki, Qax və Zaqatala rayonlarının Dövlət Yanğından Mühafizə hissələrinin texnika və şəxsi heyəti ilə birlikdə Ekologiya və Təbii Sərvətlər Nazirliyinin Şəki və Qax Meşə Mühafizəsi və Bərpası müəssisələrinin əməkdaşları cəlb edilib. Yanğının genişlənərək meşə massivinə keçməsinin qarşısı alınıb. 6 saatdan çox davam edən yanğın nəticəsində Şəki Meşə Mühafizəsi və Bərpası Müəssisəsinin Göynük meşəbəyliyinin 2 saylı dolayına və həmin əraziyə bitişik rayonun Baqqal kənd bələdiyyəsinə məxsus ümumilikdə 18 hektar ərazidə kol-kos, xırda ağaclar və quru ot yanıb.
Faktla bağlı araşdırma aparılır.
OXŞAR XƏBƏRLƏR
Qardaş ölkənin media nümayəndələri BAKIDA
Prezident İlham Əliyev “Yeni Səngəçal” yarımstansiyasının açılışında iştirak etdi
Elçin Əfəndiyevin I Fəxri xiyabanda qəbirüstü abidəsinin açılışı olub
“Bu gün 50 milyondan çox insan üçün Azərbaycan dili ana dilidir” I APA TV
Lüğətimizdə yeni mərhələ: süni intellektdən istifadə olunur I APA TV
