Balakəndə avtomobil iki piyadanı vurub, birinin vəziyyəti ağırdır
Balakəndə iki piyadanı maşın vurub. APA TV-nin yerli bürosunun məlumatına görə, hadisə iyulun 28-i axşam saat 22:00 radələrində rayonun Kortala avtomobil yolunda baş verib.
1984-cü il təvəllüdlü, Sumqayıt şəhər sakini Xanəli Zamil oğlu Qurbanov idarə etdiyi "VAZ 21074" markalı 90 BU 913 dövlət nömrə nişanlı minik avtomobili ilə yolun kənarında hərəkətdə olan piyadalar - rayonun Kortala kənd sakinləri, 1993-cü il təvəllüdlü Fərhad Nəbi oğlu Eminovu və 1994-cü il təvəllüdlü Elnur Sərdar oğlu Şibliyevi vurub. Qəzadan sonra yaralılar Balakən Mərkəzi rayon Xəstəxanasına (MRX) aparılıblar.
Balakən MRX-dan verilən məlumata görə, yaralılardan Fərhad Eminov qapalı kəllə beyin travması ilə reanimasiya şöbəsinə yerləşdirilib, vəziyyəti orta-ağır qiymətləndirilir. Elnur Şibliyevin vəziyyəti yüngül olduğundan ona lazımi tibbi yardım göstərildikdən sonra ambulator müalicə almaq şərti ilə evə buraxılıb.
Faktla bağlı Balakən rayon Polis Şöbəsində araşdırma aparılır.
Apa.tv
OXŞAR XƏBƏRLƏR
Qardaş ölkənin media nümayəndələri BAKIDA
Prezident İlham Əliyev “Yeni Səngəçal” yarımstansiyasının açılışında iştirak etdi
Elçin Əfəndiyevin I Fəxri xiyabanda qəbirüstü abidəsinin açılışı olub
“Bu gün 50 milyondan çox insan üçün Azərbaycan dili ana dilidir” I APA TV
Lüğətimizdə yeni mərhələ: süni intellektdən istifadə olunur I APA TV
