Avtomobillərdən telefon oğurlayan keçmiş məhkumlar tutuldu
Yasamal rayon sakini həyətdə saxladığı "VAZ-2107" markalı avtomobilindən bir ədəd mobil telefonun oğurlandığını bildirib.
APA TV-nin xəbərinə görə, Yasamal Rayon Polis İdarəsi 29-cu Polis Bölməsinin (PB) əməkdaşları Şərifzadə küçəsinə gələrək baxış keçiriblər.
Keçirilən əməliyyat-axtarış tədbirləri nəticəsində qeyd edilən oğurluq hadisəsini törətməkdə şübhəli bilinən Bakı şəhər sakinləri, əvvəllər məhkum olunmuş Ramil Quliyev və Ceyhun Məmmədov saxlanılıblar. Saxlanılan şəxslərin ətraflarında həyata keçirilən əlavə əməliyyat-istintaq tədbirləri nəticəsində onların Yasamal rayonu ərazisində, əsasən metro çıxışlarının yaxınlığında 10-dan artıq nəqliyyat vasitəsindən mobil telefon və pul oğurladıqları məlum olub. Dəstə üzvləri oğurluq yolla əldə etdikləri mobil telefonları paytaxtın müxtəlif ərazilərində yerləşən telefon alqı-satqısı ilə məşğul olan mağazalara satıblar.
Qeyd edilən faktlarla bağlı cinayət işi başlanıb, araşdırmalar davam etdirilir.
Apa.tv
OXŞAR XƏBƏRLƏR
Qardaş ölkənin media nümayəndələri BAKIDA
Prezident İlham Əliyev “Yeni Səngəçal” yarımstansiyasının açılışında iştirak etdi
Elçin Əfəndiyevin I Fəxri xiyabanda qəbirüstü abidəsinin açılışı olub
“Bu gün 50 milyondan çox insan üçün Azərbaycan dili ana dilidir” I APA TV
Lüğətimizdə yeni mərhələ: süni intellektdən istifadə olunur I APA TV
