Əl-Əqsa məscidində yenə qan töküldü
İsrail təhlükəsizlik qüvvələri günlərdir mühasirədə saxladıqları əl-Əqsa məscidində yenə qan töküb.
APA TV-nin xəbərinə görə, bazar günü məscidin qapılarına metal axtarma detektorlarının qoyulması ilə başlayan gərginlik bu gün kulminasiya nöqtəsinə çatıb.
Etiraz əlaməti olaraq beş gündür namazlarını məscidin əl-Əsbat qapısında qılan müsəlmanlar bu gün cümə namazından çıxarkən İsrail təhlükəsizlik qüvvələrinin hücumuna məruz qalıb. Plastik güllələr, səs bombası və gözyaşardıcı qazla müşayiət olunan hücum zamanı 22 fələstinli yaralanıb. Həbs edilənlər var.
Qeyd edək ki, iyulun 14-də səhər saatlarında İsrail polisi əl-Əqsa məscidində silahlı müqavimət göstərdiyi üçün 3 fələstinlinin öldürüldüyünü, toqquşma zamanı yaralanan 2 polisin xəstəxanada vəfat etdiyini bəyan edib.
Apa.tv
OXŞAR XƏBƏRLƏR
Qardaş ölkənin media nümayəndələri BAKIDA
Prezident İlham Əliyev “Yeni Səngəçal” yarımstansiyasının açılışında iştirak etdi
Elçin Əfəndiyevin I Fəxri xiyabanda qəbirüstü abidəsinin açılışı olub
“Bu gün 50 milyondan çox insan üçün Azərbaycan dili ana dilidir” I APA TV
Lüğətimizdə yeni mərhələ: süni intellektdən istifadə olunur I APA TV
