Ata və oğul Kür çayında batdı - HACIQABULDA DƏHŞƏT
Hacıqabulda ata və oğul Kür çayında bataraq boğulub. Hadisə rayonun Talış kəndində qeydə alınıb.
Hacıqabul rayonunda iki nəfər Kür çayında batıb. APA TV-nin yerli bürosunun xəbərinə görə, hadisə rayonun Talış kəndində baş verib.
Kənd sakini, 1974-cü il təvəllüdlü Bəxtiyar Ağavəli oğlu Ağavəlizadə günorta saatlarında iki oğlu ilə çayda çimərkən 2002-ci il təvəllüdlü oğlu Fəridin boğulduğunu görüb. Oğlunu xilas etmək istəyən zaman ata oğlu ilə birgə çayda boğulub.
Hadisə barədə digər oğlu yaxınlarına xəbər verib. Bu barədə məlumat daxil olan kimi FHN-in Dövlət Sularda Xilasetmənin Salyan məntəqəsinin dalğıc-xilasediciləri hadisə yerinə cəlb olunub. Bir neçə saatlıq axtarışlardan sonra ata və oğlun cəsədləri batdıqları yerdən tapılaraq aidiyyəti üzrə təhvil verilib.
Əlibəy Zeynallı
OXŞAR XƏBƏRLƏR
Qardaş ölkənin media nümayəndələri BAKIDA
Prezident İlham Əliyev “Yeni Səngəçal” yarımstansiyasının açılışında iştirak etdi
Elçin Əfəndiyevin I Fəxri xiyabanda qəbirüstü abidəsinin açılışı olub
“Bu gün 50 milyondan çox insan üçün Azərbaycan dili ana dilidir” I APA TV
Lüğətimizdə yeni mərhələ: süni intellektdən istifadə olunur I APA TV
