Yol polisinin şöbə rəisi avtomobilində ağır yaralanıb - BAKIDA QƏZA
Gecə saatlarında Bakının Suraxanı rayonunda ağır yol qəzazı baş verib. Aeroport yolunda qeydə alınmış hadisə zamanı bir nəfər xəsarət alıb.
APA TV-nin xəbərinə görə, 31 yaşlı Hüseynov Cabir Firdovsi oğlunun yüksək sürətlə idarə etdiyi “Range Rover” markalı avtomobil yoldakı dəmir arakəsmələri yuyan “Azəravtoyol” ASC-yə məxsus “KamAZ” markalı texniki xidmət maşınına arxadan çırpılıb. Nəticədə sürücü C.Hüseynov ağır xəsarət alıb.
Sürücünün ayaqları avtomobildə sıxılıb qaldığı üçün əraziyə FHN-in Xüsusi Riskli Xilasetmə Xidmətinin xilasediciləri gəlib. Xüsusi alətlərin köməkliyi ilə avtomobilində sıxılmış vəziyyətdə qalan sürücünü çıxarmaq mümkün olub. Bundan sonra o, 3 saylı Şəhər Klinik Xəstəxanasına çatdırılıb.
Məlumata görə, xəsarət alan sürücü C.Hüseynov Bakı Şəhər Baş Dövlət Yol Polisi İdarəsinin texniki təminat üzrə şöbə rəisidir.
Yol qəzasının təfərrüatlarını Suraxanı RPİ-nin istintaqçıları araşdırır.
Apa.tv
OXŞAR XƏBƏRLƏR
Ceyhun Bayramovdan Ermənistanla sülh prosesi ilə bağlı MÜHÜM AÇIQLAMA
Bir sıra rayona yeni icra hakimiyyəti başçıları təyin edildi
Ağdamda əkin sahələri qəsdən yandırılıb - ANBAAN GÖRÜNTÜLƏR
Qardaş ölkənin media nümayəndələri BAKIDA
Prezident İlham Əliyev “Yeni Səngəçal” yarımstansiyasının açılışında iştirak etdi
