Sabirabadda motosikletlə "Jiquli" toqquşdu: 1 ölü, 3 yaralı
Sabirabadda baş verən qəzada 1 nəfər ölüb, 3 nəfər ağır xəsarət alıb.
APA TV-nin Mil-Muğan bürosunun məlumatına görə, ötən gecə saat 1.30 radələrində Sabirabad rayonunun Sarxanbəyli kəndində yol-nəqliyyat hadisəsi baş verib.
Həmin kəndin sakinləri, 1980-ci il təvəllüdlü Abdullayev Vüsal Tapdıq oğlunun idarə etdiyi motosikletlə 1983-cü il təvəllüdlü Dövlətov Emil Dədəkişi oğlunun idarə etdiyi "VAZ-2107" markalı 90 DK 517 dövlət nömrə nişanlı avtomobil toqquşub. Avtoqəza nəticəsində 4 nəfər müxtəlif dərəcəli bədən xəsarətləri alıb. Ağır vəziyyətdə olan motosikletin sürücüsü Salyan Rayon Mərkəzi Xəstəxanasına yerləşdirilsə də, əməliyyat zamanı dünyasını dəyişib.
Sarxanbəyli kənd sakinləri olan yaralılardan 1977-ci il təvəllüdlü Əliyev Ramin Əmrah oğlu qapalı kəllə-beyin travması ilə Şirvan Şəhər Xəstəxanasının reanimasiya şöbəsinə, digər yaralılar - 1986-cı il təvəllüdlü Əliyev Rəşad Taqət oğlu sol bud sümüyünün əzilməsi, 1987-ci il təvəllüdlü Məmmədov Tural Kamil oğlu isə çanağın əzilməsi diaqnozu ilə travmatologiya şöbəsinə yerləşdirilib.
Faktla bağlı Sabirabad Rayon Polis Şöbəsi tərəfindən araşdırma aparılır.
Apa.tv
OXŞAR XƏBƏRLƏR
Ceyhun Bayramovdan Ermənistanla sülh prosesi ilə bağlı MÜHÜM AÇIQLAMA
Bir sıra rayona yeni icra hakimiyyəti başçıları təyin edildi
Ağdamda əkin sahələri qəsdən yandırılıb - ANBAAN GÖRÜNTÜLƏR
Qardaş ölkənin media nümayəndələri BAKIDA
Prezident İlham Əliyev “Yeni Səngəçal” yarımstansiyasının açılışında iştirak etdi
