Ərdoğan Putinlə görüşdü
Hamburqda keçirilən G20 sammiti çərçivəsində Rusiya prezidenti Vladimir Putinlə Türkiyə prezidenti Rəcəb Tayyib Ərdoğan arasında görüş olub.
APA-nın məlumatına görə, görüşdə V.Putin Suriya münaqişəsinin həllində Türkiyənin rolunu vurğulayaraq, bu istiqamətdə ciddi irəliləyişlərin olduğunu bildirib.
O, həmçinin qeyd edib ki, son illər iki ölkə arasında münasibətlərin bütün istiqamətlərdə inkişafı və qarşılıqlı maraq kəsb edən problemlərin həllində çox iş görülüb: “Biz Suriya ilə bağlı danışıqlar prosesində sizin və digər tərəfdaşlarımızın mövqeyini yüksək qiymətləndiririk”.
Öz növbəsində Rəcəb Tayyib Ərdoğan bildirib ki, Türkiyə-Rusiya əlaqələrinin inkişafı artıq bölgədə müsbət nəticələrini verib: “Həm iqtisadi, həm də turizm və müdafiə sənayesi sahəsində irəliləyişlər ikitərəfli əlaqələri daha da gücləndirəcək. Hər şeydən əvvəl isə Suriya və İraq məsələ ilə bağlı əlaqələrimizdən gözləntilər yüksəkdir”.
Daha sonra görüş mediaya qapalı olaraq davam etdirilib.
Bir saata yaxın çəkən görüşdə hər iki ölkənin xarici işlər nazirləri, digər nazir və hökumət təmsilçiləri iştirak edib.
Apa.tv
OXŞAR XƏBƏRLƏR
Avqustun 15-dən metro sərnişinlərini nə gözləyir? - 11 aylıq tikinti başlayır
Ceyhun Bayramovdan Ermənistanla sülh prosesi ilə bağlı MÜHÜM AÇIQLAMA
Bir sıra rayona yeni icra hakimiyyəti başçıları təyin edildi
Ağdamda əkin sahələri qəsdən yandırılıb - ANBAAN GÖRÜNTÜLƏR
Qardaş ölkənin media nümayəndələri BAKIDA
