Peşə bayramını qeyd edən polislər Kürdə batdı
Ağstafada 2 polis əməkdaşı Kürdə boğulub.
APA TV-nin qərb bürosunun məlumatına görə, hadisə Kür çayının rayonun Saloğlu kəndi ərazisindən keçən hissəsində qeydə alınıb.
Dəmir Yolu Nəqliyyatında Polis İdarəsinin Ağstafa Xətt Polis Bölməsinin üç əməkdaşı öz peşə bayramlarını qeyd etmək üçün Kürün kənarına gəlib. Kürdə çimən zaman su axını onları aparıb. Polis əməkdaşlarından biri xilas edilib, 2 polis əməkdaşı - Ağstafa rayon Zəlimxan kənd sakini, 1991-ci il təvəllüdlü Mamayev Şahlar Ramiz oğlu və Qazax rayon Çaylı kənd sakini, 1993-cü il təvəllüdlü Novruzov Qalib Cəlal oğlu suda boğulub.
Əraziyə Fövqəladə Hallar Nazirliyinin (FHN) dalğıc xilasedici qrupu cəlb olunub və batmış iki nəfərdən biri, Qalib Novruzovun meyiti tapılaraq sudan çıxarılıb.
Digər 1 nəfərin axtarışı davam etdirilir.
Apa.tv
OXŞAR XƏBƏRLƏR
Avqustun 15-dən metro sərnişinlərini nə gözləyir? - 11 aylıq tikinti başlayır
Ceyhun Bayramovdan Ermənistanla sülh prosesi ilə bağlı MÜHÜM AÇIQLAMA
Bir sıra rayona yeni icra hakimiyyəti başçıları təyin edildi
Ağdamda əkin sahələri qəsdən yandırılıb - ANBAAN GÖRÜNTÜLƏR
Qardaş ölkənin media nümayəndələri BAKIDA
