Cəbhə bölgəsində xidmət edən əsgərlər "esgeremektub.com" layihəsinə toplanan məktubları oxudular
26 iyun - Azərbaycan Silahlı Qüvvələrinin yaranmasının 99-cu il dönümündə bir qrup keçmiş döyüşçü və jurnalist hərbçilərlə görüşüb. APA TV-nin məumatına görə, nümayəndə heyəti "esgeremektub.com" layihəsinin topladığı məktubu əsgərlərə çatdırıb.
İlk olaraq Füzuli istiqamətinə gələn qonaqlar Qazaxlar Sərhəd zastavasında olub. Sərhədçilər onlara məktub yazanlara təşəkkürlərini çatdırıb: "Salam Azərbaycan əsgəri! Biz sizin sayənizdə evlərimizdə rahat yatırıq. Sizin saçınızın hər bir telinə minlərlə düşmən qurban. Allah sizi qorusun. Süleyman Süleymanzadə." Belə məktublar bizi çox siz sevindirdi. Mən əminəm ki, hər kəs bu məktubu saxlayacaq. Çox istərdim ki, bütün əsgərlərə belə məktublar göndərilsin. Onlar da bizim kimi sevinsin".
"Salam igid əsgər. Hər zaman möhkəm dayan. Selcan İsayeva". Çox xoş bir hissdir. Əsgərlərimizə belə məktub yazırlar. Sizlər də çox sağolun ki, belə təşkilatçılıq etmisiniz. Əhalinin sevincini bizə çatdırmısınız".
Füzuli Dövlət Dram Teatrının aktyorları əsgərlər qarşısında yumoristik səhnələr nümayiş etdirib. Nümayəndə heyətinin tərkibində olan Şəmistan Əlizamanlı hərbçilərə vətənpərvərlik ruhunda mahnılar ifa edib.
Daha sonra Horadiz Sərhəd Dəstəsinə gələn qonaqlar əsgərlər qarşısında çıxış edərək keçmiş döyüş xatirələrindən danışıblar. Layihə rəhbəri Arif Şəmistanlı bu günədək 2000 nəfərədək soydaşımızın əsgərə məktub yazdığını deyib. Yazılan məktubların hamısının bayram günlərində öz ünvanına çatdıracağının sözünü verib. Millət vəkili Aydın Hüseynov gənc əsgərlərə yazılan məktubların arasında sevgi mesajı olduğunu ifadə edib: "Çox gözəl layihədir. Əsgərlər məktubları oxuyanda üzlərində sevinc ifadələri vardı. Bəzən məktubu oxuyanda güldüklərini görürdüm. Mən belə güman edirdim ki, onlarının məktubunda sevgi mesajları yazılıb".
Apa.tv
OXŞAR XƏBƏRLƏR
Avqustun 15-dən metro sərnişinlərini nə gözləyir? - 11 aylıq tikinti başlayır
Ceyhun Bayramovdan Ermənistanla sülh prosesi ilə bağlı MÜHÜM AÇIQLAMA
Bir sıra rayona yeni icra hakimiyyəti başçıları təyin edildi
Ağdamda əkin sahələri qəsdən yandırılıb - ANBAAN GÖRÜNTÜLƏR
Qardaş ölkənin media nümayəndələri BAKIDA
