Qəbələdə FHN-nin hərbi hissəsində Ordu Günü ilə bağlı tədbir keçirilib
26 iyun - Azərbaycan Respublikasının Silahlı Qüvvələri günü münasibətilə Fövqəladə Hallar Nazirliyinin Mülki Müdafiə Qoşunlarının Qəbələ rayonundakı N saylı hərbi hissəsində tədbir keçirilib.
APA TV-nin yerli bürosunun məlumatına görə, mərasimdə FHN işçilərinin Həmkarlar İttifaqının sədri Mehman İsmayılov çıxış edərək ölkəmizdə ordu quruculuğu sahəsində görülən işlərdən danışıb. O, Azərbaycanın qüdrətli və nizami orduya malik olmasından, FHN-nin Mülkü Müdafiə Qoşunlarının Azərbaycanın ordu sistemindəki rolundan geniş bəhs edib.
Milli Məclisin deputatı, Respublika Ağsaqqallar Şurasının sədri Fəttah Heydərov çıxış edərək əsası xalqımızın ümummilli lideri Heydər Əliyev tərəfindən qoyulan ordu quruculuğu siyasətinin hazırda Silahlı Qüvvələrin Ali Baş Komandanı, prezident İlham Əliyevin rəhbərliyi altında uğurla davam etdirildiyini qeyd edib: "Regionda ən güclü və yüksək hərbi hazırlıqlı peşəkar ordumuz istənilən döyüş tapşırığını yerinə yetirməyə və işğal altındakı torpaqlarımızı düşməndən azad etməyə qadirdir. Buna baxmayaraq Azərbaycan xalqı Qarabağ münaqişəsinin sülh yolu ilə həll edilməsinin tərəfdarıdır".
Sonda FHN işçilərinin Həmkarlar İttifaqı tərəfindən əsgərlərə bayram münasibətilə xatirə hədiyyələri təqdim olunub.
Elvin Yaqubov
OXŞAR XƏBƏRLƏR
Avqustun 15-dən metro sərnişinlərini nə gözləyir? - 11 aylıq tikinti başlayır
Ceyhun Bayramovdan Ermənistanla sülh prosesi ilə bağlı MÜHÜM AÇIQLAMA
Bir sıra rayona yeni icra hakimiyyəti başçıları təyin edildi
Ağdamda əkin sahələri qəsdən yandırılıb - ANBAAN GÖRÜNTÜLƏR
Qardaş ölkənin media nümayəndələri BAKIDA
