Səudiyyəli nazirin açıqlaması neftin ucuzlaşmasını dayandıra bilmədi
Səudiyyə Ərəbistanının energetika naziri Xalid əl-Falihin neftin gələcəyinə dair optimist proqnozları birjalarda pozitiv qarşılansa da, bu, neftin qiymətinə uzunmüddətli təsir göstərməyib.
APA TV-nin məlumatına görə, nazir bildirib ki, bazar düzgün istiqamətdə irəliləyir, amma hədəfə nail olmaq üçün uzun bir yol qət olunmalıdır. Əl-Falihin sözlərinə görə, neft bazarında tələblə təklif arasında balansın yaranması bu ilin 4-cü rübündə mümkün olacaq.
Bu açıqlamalardan sonra “Brent” markalı neftin 1 barelinin qiyməti 47,50 dollaradək yüksəlib, lakin ABŞ-da hasilatın artdığına dair gözləntilər nefti yenidən ucuzlaşdırıb. Birjaların səhər seanslarında bu markadan olan neftin qiyməti 46,91 dollar səviyyəsinə enib, Qərbi Texas nefti isə son seansda 44,41 dollardan satılıb.
Bu gün Amerika Neft İnstitutu ABŞ-ın kommersiya neft ehtiyatlarının həcminə dair ənənəvi həftəlik hesabatı açıqlayacaq. Neftin birjalarda qiyməti əsasən bu hesabata görə formalaşacaq.
Elvin Bayramlı
OXŞAR XƏBƏRLƏR
Avqustun 15-dən metro sərnişinlərini nə gözləyir? - 11 aylıq tikinti başlayır
Ceyhun Bayramovdan Ermənistanla sülh prosesi ilə bağlı MÜHÜM AÇIQLAMA
Bir sıra rayona yeni icra hakimiyyəti başçıları təyin edildi
Ağdamda əkin sahələri qəsdən yandırılıb - ANBAAN GÖRÜNTÜLƏR
Qardaş ölkənin media nümayəndələri BAKIDA
