Qızıl dükanını soyub qaçdılar, polis arxalarınca düşdü - ATIŞMA ANI
Rusiyanın Volqoqrad şəhərində silahlı şəxslər zərgərlik mağazasına basqın edib. APA TV-nin Rusiya mətbuatına istinadən məlumatına görə, soyğunçular mağazanın satıcılarını silahla hədələyərək oradan 5 milyon rubl dəyərində qızıl-zinət əşyası aparıblar.
Soyğun anı təhlükəsizlik kameralarına düşüb, silahlılar maskada olublar.
Daha sonra soyğunçular hadisə yerindən "Niva" markalı maşınla uzaqlaşıblar. Polisə xəbər verilib və yaxınlıqda olan iki əməliyyatçı onların arxasınca düşüb.
Soyğunçulara yolda çatan polislər atəş açmağa başlayıb. Bu vaxt yüksək sürətlə hərəkət edən maşındakı şəxslər buna qarşılıq verib. Polis işçilərindən biri başından yaralanıb.
Hazırda soyğunçuların axtarışı davam edir. Yaralı polis isə xəstəxanalardan birinə yerləşdirilib.
OXŞAR XƏBƏRLƏR
Avqustun 15-dən metro sərnişinlərini nə gözləyir? - 11 aylıq tikinti başlayır
Ceyhun Bayramovdan Ermənistanla sülh prosesi ilə bağlı MÜHÜM AÇIQLAMA
Bir sıra rayona yeni icra hakimiyyəti başçıları təyin edildi
Ağdamda əkin sahələri qəsdən yandırılıb - ANBAAN GÖRÜNTÜLƏR
Qardaş ölkənin media nümayəndələri BAKIDA
