Quldur sevgililər ələ keçdi
Bir müddətdir birlikdə yaşayan aşiqlə məşuqun axşam gəzintisi "uğurlu" alınıb. Polis onların izinə düşənə qədər.
4 iyun tarixində vətəndaş Yeganə İsayevaya metronun “Neftçilər” stansiyasının yaxınlığında yaxınlaşaraq ondan telefonunu verməyi tələb ediblər. Qadın qaçmaq istəyəndə isə ona zor tətbiq olunub.
Nizami RPİ-nin 25-ci PB-nin rəis müavini Elnur Əliyev bildirib ki, hadisəni törətməkdə şübhəli bilinən Kərimova Səidə İlham qızı və Hüseynov İsrafil Məziyəddin oğlu saxlanılaraq istintaqa təqdim olunub.
Saxlanılan Səidə Kərimovanın sözlərinə görə, İsrafil Hüseynovun pulu olmasa da, onun yanında qalmağı özünə söz verib. Çünki vaxtında oğlan ona çox pul xərcləyib: "Telefonu istədi. Qadın qorxub qaçdı. Pul çantası əlindən düşdü".
İsrafil Hüseynov cinayətini etiraf edib: "Yerə düşən pul kisəsini götürdüm. Boyunbağı yerə düşdü, lakin onu götürmədim".
Faktla bağlı cinayət işi başlanılıb. Polis əməkdaşları S.Kərimova və İ.Hüseynovun digər analoji cinayətlərdə iştirakını da istisna etmirlər.
OXŞAR XƏBƏRLƏR
Pakistan səfirliyində Kəşmir İstismar Günü ilə bağlı tədbir keçirildi
Avqustun 15-dən metro sərnişinlərini nə gözləyir? - 11 aylıq tikinti başlayır
Ceyhun Bayramovdan Ermənistanla sülh prosesi ilə bağlı MÜHÜM AÇIQLAMA
Bir sıra rayona yeni icra hakimiyyəti başçıları təyin edildi
Ağdamda əkin sahələri qəsdən yandırılıb - ANBAAN GÖRÜNTÜLƏR
